People line up to receive humanitarian aid distributed in a post office in a district of Kharkiv, eastern Ukraine, on April 26, 2022, on the 62nd day of the Russian invasion of Ukraine. – The trunk stuffed with food, the techno music blaring in the speakers: in their red Opel Astra, three young Ukrainians deliver humanitarian aid every day in the districts of Kharkiv regularly targeted by Russian rockets. (Photo by Dimitar DILKOFF / AFP)

សហភាពអន្តរសភា(IPU)បានបង្កើតនូវការងារថ្មីមួយដែលមានសមាសភាព ជាសមាជិកសភាមកពីសភានៃប្រទេសជាច្រើនជុំវិញពិភពលោក។ ក្រុមការងារថ្មីនេះបានបើកកិច្ចប្រជុំរបស់ខ្លួនបែបនិម្មិត(តាម ប្រព័ន្ធអ៊ីនធឺណិត) កាលពីចុងខែមេសា ដើម្បីពិភាក្សាគ្នារកដំណោះស្រាយសមស្របតាមយន្តការសភា ដើម្បីបញ្ចប់សង្រ្គាមក្នុងប្រទេសអ៊ុយក្រែន។ យន្តការផ្នែកការទូតសភាកម្រិតពិភពលោកមួយនេះ មានគោលដៅជួយបំពេញបន្ថែមដល់កិច្ចខិតខំប្រឹងប្រែងកម្រិតអន្តររដ្ឋាភិបាល និងកម្រិតអង្គការសហប្រជាជាតិ ដែលកំពុងដុតដៃដុតជើងជួយរំលត់សង្គ្រាមក្នុងប្រទេសអ៊ុយក្រែន។

ក្រុមការងារខាងលើនេះ ត្រូវបានបង្កើតឡើងអនុលោមតាមសេចក្តីសម្រេចមួយ របស់សហភាព អន្តរសភា ដែលត្រូវបានអនុម័តក្នុងសន្និបាតលើកទី១៤៤របស់សហភាពនេះ នៅNusa Dua ក្នុងប្រទេសឥណ្ឌូនេស៊ី ក្នុងខែមីនា ឆ្នាំ២០២២។ សេចក្តីសម្រេចនោះមានឈ្មោះថា សេចក្តីសម្រេចស្តីពីដំណោះស្រាយដោយសន្តិវិធីចំពោះសង្គ្រាមក្នុងប្រទេសអ៊ុយក្រែន ដោយគោរពច្បាប់អន្តរជាតិ គោរពធម្មនុញ្ញរបស់អង្គការសហប្រជាជាតិ និងគោរពបូរណភាពដែនដីនៃប្រទេសនីមួយៗ។ សេចក្តីសម្រេចនេះគឺជាឧបករណ៍មួយ ក្នុងចំណោមឧបករណ៍ជាច្រើនទៀត ដែលអំពាវនាវឱ្យបង្កើតនូវក្រុមការងារ ជួយដល់សភានៃប្រទេសនានាប្រើប្រាស់នូវតួនាទីរបស់ខ្លួន(របស់សភា) ដើម្បីស្វែងរកដំណោះស្រាយសន្តិវិធីដែលអាចយកជាការបាន។

ក្រុមការងារនេះ នឹងធ្វើឱ្យសហភាពអន្តរសភាអាចប្រើប្រាស់នូវយន្តការការងារខ្លួន លើកទឹកចិត្តឱ្យមានកិច្ចពិភាក្សារវាងសមាជិកសភាប្រទេសអ៊ុយក្រែន និងសមាជិកសភាសហព័ន្ធរុស្ស៊ី។ កម្មវត្ថុរបស់ក្រុមការងារនេះ គឺជួយបង្កើតឱ្យបាននូវបទឈប់បាញ់ទាំងស្រុងក្នុងចំណោមភាគីជម្លោះ និងរៀបចំឱ្យមានជំនួយមនុស្សធម៌ និងជំនួយផ្សេងៗទៀត។ សម្រាប់រយៈពេលវែង ក្រុមការងារនេះនឹងស្វែងរកវិធីសាស្រ្តដើម្បីជួយសភានៃប្រទេសទាំងពីរ(អ៊ុយក្រែន និងរុស្ស៊ី)ដែលសុទ្ធសឹងតែសមាជិកសហភាពអន្តរសភាដែរនោះ បង្កើតឱ្យបានឡើងវិញនូវទំនាក់ទំនងប្រកបដោយសន្តិភាពនិងចីរភាព។ ក្រុមការងារមួយនេះ ចំនួនសមាជិក និងសមាជិកាស្មើគ្នា ហើយជាក្រុមការងារដែលតំណាងឱ្យក្រុមភូមិសាស្រ្តនយោបាយទាំងអស់របស់សហភាពអន្តរសភា។ មានប្រធានសភានៃប្រទេសចំនួនបី ដែលស្ថិតនៅក្រុមនេះ ហើយសមាជិកក្រុមនេះ ត្រូវបានជ្រើសរើសដោយផ្អែកលើអព្យាក្រឹតភាពរបស់ពួកគេ។ សភានៃប្រទេសរុស្ស៊ីនិងអ៊ុយក្រែន នឹងជ្រើសរើសជនបង្គោល ដើម្បីធ្វើជាសមភាគីផ្ទាល់ ក្នុងការរៀបចំកិច្ចពិភាក្សាជាមួយអាជ្ញាធរ និងអ្នកពាក់ព័ន្ធក្នុងប្រទេសរបស់ខ្លួន៕

https://www.ipu.org/news/news-in-brief/2022-04/ipu-sets-up-task-force-ukraine