ប្រទេសអូស្ត្រាលីដាក់ទណ្ឌកម្មលើសមាជិករដ្ឋសភារុស្ស៊ី ៧៥ រូប រួមទាំងរដ្ឋមន្ត្រីជាច្រើនរូបមកពីសាធារណរដ្ឋប្រជាមានិត Donetsk និង Lugansk

រដ្ឋធានីកង់បេរ៉ា៖ ទិន្នន័យនៅលើគេហទំព័ររបស់ក្រសួងការបរទេស​ និងពាណិជ្ជកម្មរបស់ប្រទេសអូស្ត្រាលីបានឱ្យដឹងថា អូស្ត្រាលីបានដាក់ទណ្ឌកម្មលើសមាជិករដ្ឋសភារុស្ស៊ី ៧៥ រូប រួមទាំងរដ្ឋមន្ត្រីក្រសួងសំខាន់ៗមួយចំនួនទៀត នៃសាធារណរដ្ឋប្រជាមានិត Donetsk និងសាធារណរដ្ឋប្រជាមានិត Lugansk​​ ដែលជាសាធារណរដ្ឋក្រោមចំណុះសហព័ន្ធរុស្ស៊ី។ បើយោងតាមបញ្ជីឈ្មោះខាងលើនេះ មានរដ្ឋមន្ត្រីនៃសាធារណរដ្ឋប្រជាមានិត Donetsk ២០ រូប និងរដ្ឋមន្ត្រីនៃសាធារណរដ្ឋប្រជាមានិត Lugansk ១៥ រូប ដែលបានរងទណ្ឌកម្មនេះ។

គួរបញ្ជាក់ផងដែរថា កាលពីថ្ងៃទី២៤ ខែកុម្ភៈ ឆ្នាំ២០២២ រដ្ឋាភិបាលរុស្ស៊ី បានចាប់ផ្តើមប្រតិបត្តិការយោធាពិសេសរបស់ខ្លួនក្នុងប្រទេសអ៊ុយក្រែន តាមការស្នើសុំឱ្យជួយការពារខ្លួនពីកងកម្លាំងយោធារបស់ប្រទេសអ៊ុយក្រែន ពីសាធារណរដ្ឋប្រជាមានិត Donetsk និងសាធារណរដ្ឋប្រជាមានិត Lugansk​​។ ប្រតិបត្តិការយោធាពិសេស ដែលមានគោលដៅលើហេដ្ឋារចនាសម្ព័ន្ធយោធារបស់ប្រទេសអ៊ុយក្រែន​ មានគោលបំណងធ្វើឱ្យប្រទេសអ៊ុយក្រែនគ្មានយោធា និងគ្មានរបបណាហ្ស៊ីនិយម នេះបើយោងតាមការឱ្យដឹងពីក្រសួងការពារជាតិរុស្ស៊ី។​ រដ្ឋាភិបាលទីក្រុងមូស្គូបានឱ្យដឹងថា ខ្លួនគ្មានបំណងកាន់កាប់ប្រទេសអ៊ុយក្រែនឡើយ។ ប្រទេសរុស្ស៊ីត្រូវបានគេចោទប្រកាន់ថា បានសម្លាប់ប្រជាពលរដ្ឋរុស្ស៊ី ហើយកំពុងរងទណ្ឌកម្មជាច្រើនរបស់ក្រុមបស្ចិមប្រទេស៕

http://ព័ត៌មានសភាអន្តរជាតិ ០៥-០៥-២២- កែវ ធាវីប្រែសម្រួលពី៖ https://english.newstracklive.com/news/australia-sanctions-75-russian-state-duma-members-dpr-and-lpr-