ពីឆ្វេងទៅស្តាំ៖ លោក Javier Colomina មន្រ្តីអង្គការ OTAN និងលោក Shalva Papuashvili ប្រធានសភាហ្សកហ្ស៊ី

កាលពីថ្ងៃពុធ ទី២៧ ខែមេសា ឆ្នាំ២០២២ កិច្ចសហប្រតិបត្តិការដែលកំពុងតែមានផ្លែផ្កា រវាងប្រទេសហ្សកហ្ស៊ី និងអង្គការសន្ធិសញ្ញាអាត្លង់ទិកខាងជើង(NATO ឬ OTAN) ត្រូវបានលើកយកមកពិភាក្សារវាងលោក Shalva Papuashvili ប្រធានសភាប្រទេសហ្សកហ្ស៊ី និងលោកលោក Javier Colo  mina តំណាងពិសេសរបស់អគ្គលេខាធិការអង្គការសន្ធិសញ្ញាអាត្លង់ទិកខាងជើង ប្រចាំនៅតំបន់  Cau casus(រវាងសមុទ្រខ្មៅ និងសមុទ្រកាស្ពាន) និងតំបន់អាស៊ីកណ្តាល។

លោក Shalva Papuashvili បានសម្តែងនូវការដឹងគុណចំពោះអង្គការ OTAN សម្រាប់ការគាំទ្រ បូរណភាពដែនដីរបស់ប្រទេសហ្សកហ្ស៊ី ​ដោយកត់សម្គាល់ពីសារៈសំខាន់ដ៏វិសេសវិសាលនៃបំណង ប្រាថ្នារបស់ប្រទេសហ្សកហ្ស៊ី ដើម្បីចូលជាសមាជិកអង្គការ OTAN។ លោក Shalva Papuashvili ក៏បាន សម្តែងនូវក្តីសង្ឃឹមផងដែរថា នីតិវិធីសុំចូលជាសមាជិកអង្គការ របស់ប្រទេសហ្សកហ្ស៊ី នឹងត្រូវបានការ ទទួលស្គាល់ពីកិច្ចប្រជុំកំពូលរបស់អង្គការ OTAN នៅក្នុងទីក្រុងម៉ាឌ្រីដ ប្រទេសអេស្ប៉ាញ ដែលនឹងធ្វើ ឡើងនៅក្នុងឆ្នាំនេះ។ នេះបើតាមអង្គភាពព័ត៌មាននៃសភាហ្សកហ្ស៊ីបានថ្លែងឱ្យដឹង។

ភាគីទាំងពីរ ក៏បានគូសបញ្ជាក់ពីការរួមចំណែករបស់ប្រទេសហ្សកហ្ស៊ី ក្នុងសន្តិសុខសកល  ភាព ជឿនលឿនរបស់ប្រទេសមួយនេះ លើមាគ៌ាឆ្ពោះទៅរកការធ្វើសមាហរណកម្មអឺរ៉ូ-អាត្លង់ទិក ការឈ្លាន ពានរបស់សហព័ន្ធរុស្ស៊ី នៅក្នុងប្រទេសអ៊ុយក្រែន និងផលវិបាកដ៏ធ្ងន់ធ្ងរ សម្រាប់តំបន់ Caucasus ខាង-     ត្បូង ដែលបណ្តាលមកពីការឈ្លានពានរបស់រុស្ស៊ី។ ដោយឡែកលោក Javier Colomina បានសង្កត់ធ្ងន់ ពីយុទ្ធសាស្រ្តដ៏សំខាន់នៃតំបន់ Caucasus ខាងត្បូង សម្រាប់សន្តិសុខអាត្លង់ទិកខាងជើង ដោយលោកបានកត់សម្គាល់ថា “ប្រទេសហ្សកហ្ស៊ី គឺជាដៃគូដ៏មានតម្លៃ របស់អង្គការ OTAN”។ មន្រ្តីអង្គការ OTAN រូបនេះ ក៏បានថ្លែងផងដែរថា អង្គការសម្ព័ន្ធមិត្តរបស់លោកនឹងបន្តធ្វើកិច្ចសហប្រតិបត្តិការយ៉ាងសកម្មជាមួយនឹងប្រទេសហ្សកហ្ស៊ី និងលើកកម្ពស់កំណែទម្រង់ប្រជាធិបតេយ្យ នៅក្នុងប្រទេសហ្សកហ្ស៊ី៕

http://ព័ត៌មានសភាអន្តរជាតិ ២៨-០៤-២២- ឈាវ សុផាត ប្រែសម្រួលពី៖ https://agenda.ge/en/news/2022/1445