មើលលម្អិត

ប្រធានរដ្ឋសភាវៀតណាម៖ វៀតណាមតែងតែពិភាក្សាជាមួយដៃគូអង្គការពលកម្មអន្តរជាតិដ៏សំខាន់ និងគួរឱ្យទុកចិត្តបានរបស់ខ្លួន

លោក Vương Đình Huệ (ស្តាំ) ទទួលជួបសម្តែងការគួរសមជាមួយលោក Gilbert F. Houngbo អគ្គនាយកអង្គការពលកម្មអន្តរជាតិ (ILO) ក្នុងរដ្ឋធានីហាណូយ នៅថ្ងៃសុក្រ ទី៣០ ខែមិថុនា ឆ្នាំ២០២៣

រដ្ឋធានីហាណូយ៖ កាលពីថ្ងៃសុក្រ ទី៣០ ខែមិថុនា ឆ្នាំ២០២៣ លោក Vương Đình Huệ ប្រធានរដ្ឋសភានៃសាធារណរដ្ឋសង្គមនិយមវៀតណាម បានថ្លែងក្នុងពេលទទួលជួបសម្តែងការគួរសមជាមួយលោក Gilbert F. Houngbo អគ្គនាយកអង្គការពលកម្មអន្តរជាតិ (ILO) ក្នុងរដ្ឋធានីហាណូយថាអង្គការពលកម្មអន្តរជាតិ គឺជាដៃគូយ៉ាងសំខាន់ និងគួរឱ្យទុកចិត្តបានរបស់រដ្ឋាភិបាលវៀតណាម។ លោកប្រធាន Hue បានថ្លែងថា អង្គការ ILO បានចូលរួមចំណែកគួរឱ្យកត់សម្គាល់ក្នុងការអភិវឌ្ឍសេដ្ឋកិច្ចសង្គមវៀតណាម និងបានផ្តល់ជំនួយគួរឱ្យកត់សម្គាល់ដល់វៀតណាម នូវគ្រប់ដំណើរការនីតិកម្ម និងបទប្បញ្ញត្តិនានាស្តីពី ការងារ ជាពិសេស ច្បាប់ការងារដំបូងក្នុងឆ្នាំ១៩៩៤ និងការបោះពុម្ពផ្សព្វផ្សាយច្បាប់នេះ ក្នុងឆ្នាំ២០១២ និង២០១៩, សេចក្តីព្រាងសេចក្តីសម្រេចស្តីពី គណៈកម្មាធិការមជ្ឈិមបក្សពាក់ព័ន្ធនឹងកំណែទម្រង់គោលនយោបាយប្រាក់ឈ្នួល និងកំណែទម្រង់គោលនយោបាយធានារ៉ាប់រងសង្គម រួមទាំងការសិក្សាស្រាវជ្រាវ និងការផ្តល់សច្ចាប័នលើអនុសញ្ញាជាមូលដ្ឋានរបស់អង្គការពលកម្មអន្តរជាតិផងដែរ។ លោកប្រធាន Hue បានថ្លែងប្រាប់ភ្ញៀវរបស់ខ្លួនថា វៀតណាម បានដាក់ចេញនូវផែនទីបង្ហាញផ្លូវរបស់ខ្លួន ដើម្បីផ្តល់សច្ចាប័នលើអនុសញ្ញាឆ្នាំ១៩៨៧ និងបានពិនិត្យពិភាក្សាជាមួយអង្គការអន្តរជាតិ, ភ្នាក់ងារពាក់ព័ន្ធ និងដៃគូអភិវឌ្ឍនានា ដើម្បីចូលរួមផ្តួចផ្តើមគំនិតជាសកលនាពេលបច្ចុប្បន្ន។វៀតណាមបានគាំទ្រការកសាងទំនាក់ទំនងប្រកបដោយភាពសុខដុមរម្យនា, ទំនាក់ទំនងការងារដែលមានការអភិវឌ្ឍ និងស្ថិរភាព។ រដ្ឋដើរតួនាទីក្នុងការសម្របសម្រួល រវាងនិយោជក និងនិយោជិត។ លោកប្រធាន Hue បានបន្ថែមទៀតថា វៀតណាមក៏កំពុងតែធ្វើកំណែទម្រង់យ៉ាងសកម្មផងដែរ លើគំរូរីកចម្រើនរបស់ខ្លួន និងការពុះពារយុទ្ធសាស្ត្រ ៣ ពាក់ព័ន្ធនឹងក្រសួង-ស្ថាប័ន ហេដ្ឋារចនាសម្ព័ន្ធ និងធនធានមនុស្ស។ យោងតាមថ្នាក់ដឹកនាំរដ្ឋសភាវៀតណាមរូបនេះ រដ្ឋសភាវៀតណាម កំពុងខិតខំកសាងប្រព័ន្ធច្បាប់មួយ និងក្របខ័ណ្ឌការងារក្រសួង-ស្ថាប័ននានា ដែលអនុគ្រោះដល់ការអភិវឌ្ឍ ជាពិសេស ក្នុងការគាំទ្រការធ្វើអាជីវកម្មថាមពល និងការធ្វើអាជីវកម្មឌីហ្ស៊ីតាល់ដែលសមស្រប។ វៀតណាមក៏កំពុងបន្តកិច្ចខិតខំប្រឹងប្រែង ក្នុងការបង្កើនការចូលរួមចំណែកដល់សេដ្ឋកិច្ចឌីហ្ស៊ីតាល់ចំពោះផលិតផលក្នុងស្រុកសរុប (GDP)ឱ្យបានប្រហែល ២០% ត្រឹមឆ្នាំ២០២៥ និង៣០% ត្រឹមឆ្នាំ២០៣0…៕ http://ព័ត៌មានសភាទ្វីបអាស៊ី ០៣-០៧-២៣-កែវ ធាវីប្រែសម្រួលពី៖ https://vietnamnews.vn/politics-laws/1550602/viet-nam-always-considers-ilo-important-trustworthy-partner-na-chairman.html

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក