មើលលម្អិត

សមាជិកគណៈកម្មាធិការមជ្ឈិមបក្សកុម្មុយនិស្តវៀតណាម ធ្វើទស្សនកិច្ចនៅសភាគុយបា

ទង់ជាតិនៃប្រទេសគុយបា និងប្រទេសវៀតណាម

កាលពីថ្ងៃចន្ទ ទី២៦ ខែមិថុនា ឆ្នាំ២០២៣ លោក Rolando Gonzalez ប្រធានគណៈកម្មាធិការទំនាក់ទំនងអន្តរជាតិនៃរដ្ឋសភាអំណាចប្រជាជនគុយបា បានទទួលជួបសន្ទនាការងារជាមួយលោក Le Hoai Trung សមាជិកគណៈកម្មាធិការមជ្ឈិមបក្សកុម្មុយនិស្តវៀតណាម (PCV)។ នៅក្នុងជំនួបពិភាក្សា ដែលបានធ្វើឡើងនៅវិមានរដ្ឋសភាក្នុងរដ្ឋធានីឡាហាវ៉ាន លោក Gonzalez បានសង្កត់ធ្ងន់លើមោទនភាព នៃការផ្លាស់ប្តូរទស្សនកិច្ច និងបទពិសោធន៍ការងារជាមួយតំណាងប្រជាជននៃសាធារណរដ្ឋសង្គមនិយមវៀតណាម ដែលជាប្រទេសមានចំណងទាក់ទងយ៉ាងជិតស្និទ្ធជាមួយប្រទេសគុយបាជាប្រវត្តិសាស្ត្រលើគ្រប់វិស័យ រួមទាំងទំនាក់ទំនងអន្តរសភាផងដែរ។ លោក Gonzalez មានប្រសាសន៍ថា “យើងស្វាគមន៍គណៈប្រតិភូវៀតណាម ក្នុងស្មារតីនៃការពង្រឹងចំណងមិត្តភាពជាបងប្អូន និងស្វាគមន៍ចំពោះការធ្វើឱ្យចំណងមិត្តភាពនេះកាន់តែរឹងមាំខ្លាំងជាងមុនបន្ថែម ទៀត”។ យោងតាមព័ត៌មានដែលចេញផ្សាយដោយស្ថាប័ននីតិប្បញ្ញត្តិគុយបា បានឱ្យដឹងថា លោក Le Hoai Trung ដែលមានតួនាទីជាប្រធានគណៈកម្មការទំនាក់ទំនងកិច្ចការបរទេសនៃបក្សកុម្មុយនិស្តវៀតណាម បានថ្កោលទោសការបិទផ្លូវសេដ្ឋកិច្ច ពាណិជ្ជកម្ម និងហិរញ្ញវត្ថុ ដែលដាក់ដោយសហរដ្ឋអាមេរិកដែលប្រឆាំង នឹងដែនកោះមួយនេះ ហើយទាមទារឱ្យមានការលុបបំបាត់ការដាក់ទណ្ឌកម្មមកលើប្រទេសគុយបា។ ភាគីទាំងពីរ ក៏បានពិភាក្សាអំពីបញ្ហាបច្ចុប្បន្នរបស់ប្រទេសរៀងៗខ្លួន និងការប្រព្រឹត្តទៅនៃស្ថាប័ននីតិប្បញ្ញត្តិទាំងពីរ។ បន្ទាប់មក គណៈប្រតិភូវៀតណាម បានអញ្ជើញទៅទស្សនកិច្ចគម្រោងអភិវឌ្ឍន៍ផលិត កម្មស្រូវ វៀតណាម-គុយបា នៅទីក្រុង Matanzas ដែលស្ថិតនៅភាគខាងលិចនៃប្រទេសគុយបា ៕

ព័ត៌មានសភាទ្វីបអាមេរិក ២៨-០៦-២៣-ផាត់ ត្រដែត

ប្រែសម្រួលពី៖ https://www.plenglish.com/news/2023/06/26/vietnamese-party-leader-visits-cuban-parliament/

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក