មើលលម្អិត

រដ្ឋសភាវៀតណាមនីតិកាលទី១៥ បន្តបើកសម័យប្រជុំរបស់ខ្លួន

រដ្ឋធានីហាណូយ៖ កាលពីថ្ងៃទី១៩ ខែមិថុនា ឆ្នាំ២០២៣ រដ្ឋសភានៃសាធារណរដ្ឋសង្គមនិយមវៀតណាមនីតិកាលទី១៥ បានបន្តបើកសម័យប្រជុំលើកទី៥ របស់ខ្លួន ក្នុងរដ្ឋធានីហាណូយ ក្រោមអធិបតីភាព លោក Vuong Dinh Hue ប្រធានរដ្ឋសភា ដែលព្រឹត្តិការណ៍នេះ ត្រូវបានផ្សាយតាមទូរទស្សន៍នៅទូទាំងប្រទេស។ ក្នុងសម័យប្រជុំពេញអង្គ នាព្រឹកថ្ងៃខាងលើ ក្រោមអធិបតីភាព លោក Nguyen Khac Dinh អនុប្រធានរដ្ឋសភា អង្គសភាទាំងមូល បានពិនិត្យពិភាក្សាលើសេចក្តីព្រាងច្បាប់ស្តីពី លំនៅដ្ឋាន។ លោកNguyen Thanh Nghi រដ្ឋមន្ត្រីក្រសួងសំណង់ បានពន្យល់អំពីបញ្ហាមួយចំនួន ដែលបានលើកឡើងដោយសមាជិករដ្ឋសភា។ នារសៀលថ្ងៃដដែលនោះ លោក Le Quang Manh សមាជិកគណៈកម្មាធិការអចិន្ត្រៃយ៍នៃរដ្ឋសភា និងប្រធានគណៈកម្មាធិការថវិកា និងហិរញ្ញវត្ថុ បានអានរបាយកាណ៍ស្តីពី ការប្រមូលមតិកែលម្អលើសេចក្តីសម្រេចស្តីពី ការអនុម័តរបាយការណ៍ថវិកាជាតិឆ្នាំ២០២១។ បន្ទាប់មកសមាជិករដ្ឋសភា ៤៧៨ រូប បានបោះឆ្នោតអនុម័តយល់ព្រមសេចក្តីសម្រេចនោះ ដោយសំឡេងគាំទ្រ ៤៧៨ សំឡេង ឬស្មើនឹង ៩៥.៧៥% នៃចំនួនសមាជិករដ្ឋសភាទាំងមូល។ បន្ទាប់មក លោក Manh បានអានរបាយការណ៍ស្តីពី ការត្រួតពិនិត្យលើសេចក្តីព្រាងវិសោធនកម្មច្បាប់ស្តីពី តម្លៃ។ បន្ទាប់មកមានការបោះឆ្នោតអនុម័តលើរបាយការណ៍នោះដោយសំឡេងគាំទ្រ ៤៧៦ សំឡេង រួមទាំងសមាជិករដ្ឋសភា ៤៥៩ រូប ឬស្មើនឹង ៩២.៩១% នៃសមាជិករដ្ឋសភាទាំមូលដែលផ្តល់ការយល់ព្រម។ សមាជិកគណៈកម្មាធិការអចិន្ត្រៃយ៍នៃរដ្ឋសភា និង លោក Vu Hong Thanh ប្រធានគណៈកម្មាធិការសេដ្ឋកិច្ចនៃរដ្ឋសភា បានអានរបាយការណ៍ស្តីពី ការប្រមូលព័ត៌មានត្រឡប់ស្តីពី សេចក្តីព្រាងច្បាប់ស្តីពី វិស័យអចលទ្រព្យ។ អង្គសភាទាំងមូលក៏គ្រោងពិនិត្យពិភាក្សាផងដែរ លើសេចក្តីព្រាងច្បាប់ស្តីពី កម្លាំងការពារសន្តិសុខ និងសណ្តាប់ធ្នាប់ប្រជាពលរដ្ឋ និងសេចក្តីព្រាងច្បាប់ស្តីពី ធនធានទឹក…៕ http://ព័ត៌មានសភាទ្វីបអាស៊ី ២១-០៦-២៣-កែវ ធាវី ប្រែសម្រួលពី៖ https://en.vietnamplus.vn/18th-working-day-of-15th-national-assembly/254942.vnp

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក