មើលលម្អិត

ប្រធានរដ្ឋសភាវៀតណាម គ្រោងធ្វើទស្សនកិច្ចនៅគុយបា

លោក Vuong Dinh Hue ប្រធានរដ្ឋសភានៃសាធារណរដ្ឋសង្គមនិយមវៀតណាមគ្រោងធ្វើទស្សនកិច្ចជាផ្លូវការនៅសាធារណរដ្ឋគុយបា

រដ្ឋធានីហាណូយ៖ លោក Vuong Dinh Hue ប្រធានរដ្ឋសភានៃសាធារណរដ្ឋសង្គមនិយម វៀតណាម គ្រោងធ្វើទស្សនកិច្ចជាផ្លូវការនៅសាធារណរដ្ឋគុយបា, សាធារណរដ្ឋអាហ្សង់ទីន និងសាធារណរដ្ឋអ៊ុយរូហ្គាយខាងកើត ថ្ងៃទី១៨-២៨ ខែមេសា ឆ្នាំ២០២៣ ខាងមុខ។ លោក Le Thanh Tung ឯកអគ្គរដ្ឋទូតវៀតណាមប្រចាំទីក្រុងឡាហាវ៉ាន បានថ្លែងក្នុងសេចក្តី ថ្លែងការណ៍ពិសេសមួយ ប្រាប់ទីភ្នាក់ងារសារព័ត៌មាន Prensa Latina ថា គោលបំណងសំខាន់នៃដំណើរទស្សនកិច្ចនៅគុយបានាពេលខាងមុខនេះ គឺដើម្បីបង្កើនការពង្រីកកិច្ចប្រតិបត្តិការទ្វេភាគីឱ្យកាន់តែស៊ីជម្រៅថែមទៀតលើគ្រប់វិស័យ។ អ្នកការទូតរូបនេះ បានបញ្ជាក់ថា ដំណើរទស្សនកិច្ចលើកនេះ មានគណៈប្រតិភូវៀតណាម ច្រើនជាងគេបង្អស់ដែលមិនធ្លាប់មានពីមុន មកកាន់ប្រទេសគុយបា ក្នុងក្របខ័ណ្ឌថ្នាក់ដឹកនាំនយោបាយ សមាជិកសភា ក្រុមធុរកិច្ច និងតំណាងសមាគមមិត្តភាពជាច្រើនរូប។ ក្នុងសេចក្តីថ្លែងការណ៍របស់អ្នកការទូតរូបនេះ បានកត់សម្គាល់អំពីជំនួបនៃប្រទេសទាំងពីរដែលបានបង្ហាញពីគំរូទំនាក់ទំនង រវាងវៀតណាម និងគុយបា ដែលថ្នាក់ដឹកនាំកំពូលនៃប្រទេសទាំងពីរ គឺអតីតប្រធានាធិបតីគុយបា Fidel Castro និងអតីតប្រធានាធិបតីវៀតណាមខាងជើង Ho Chi Minh បានបន្សល់ទុកឱ្យយើង។ លោក Homero Acosta អគ្គលេខាធិការសភាគុយបា បានធ្វើទស្សនកិច្ចការងារនៅវៀតណាម កាលពីអំឡុងខែវិច្ឆិកា ឆ្នាំ២០២២ ទីដែលលោកបានឆ្លងកាត់រដ្ឋធានីហាណូយ, ទីក្រុងហូជីមិញ, ខេត្ត Da Nang និងខេត្ត Can Tho។ លោក Acosta បានថ្លែងប្រាប់ទីភ្នាក់ងារសារព័ត៌មាន Prensa Latina ថា ដំណើរទស្សនកិច្ចកន្លងមកនេះ គឺជាពេលវេលាប្រកបដោយផ្លែផ្កាបំផុត បន្ទាប់ពីជំនួបសម្តែងការគួរសម ទាំងពីរលើកជាមួយលោកប្រធាន Hue និងលោក Bui Van ប្រធានការិយាល័យសភាវៀតណាម។ លោក Acosta បានគូសបញ្ជាក់ថា លោកប្រធាន Hue បានកោតសរសើរពីជ័យជំនះ ដែលប្រទេសគុយបាទទួលបានក្នុងមហាសន្និបានអគ្គលេខាធិការអង្គការសហប្រជាជាតិ ដែលបានអនុម័តលើកទី៣០ ដោយសំឡេងភាគច្រើនលើសលប់។ សេចក្តីសម្រេចរបស់អគ្គលេខាធិការអង្គការសហប្រជាជាតិខាងលើនេះ ស្តីពី ការដកការហ៊ុមព័ទ្ធសេដ្ឋកិច្ចលើប្រទេសកោះមួយនេះ៕ http://ព័ត៌មានសភាទ្វីបអាស៊ី ១៧-០៤-២៣-កែវ ធាវី ប្រែសម្រួលពី៖ https://www.plenglish.com/news/2023/04/15/the-chairman-of-the-national-assembly-of-vietnam-will-visit-

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក