មើលលម្អិត

គណៈកម្មាធិការអចិន្ត្រៃយ៍នៃរដ្ឋសភាវៀតណាម បើកកិច្ចប្រជុំលើកទី ២០ របស់ខ្លួន

លោក Vuong Dinh Hue ប្រធានរដ្ឋសភាវៀតណាមថ្លែងក្នុងកិច្ចប្រជុំគណៈកម្មាធិការ

អចិន្ត្រៃយ៍លើកទី២០ នៅថ្ងៃទី១៣ ខែកុម្ភៈ ឆ្នាំ២០២៣ រដ្ឋធានីហាណូយ៖ កាលពីព្រឹកថ្ងៃទី១៣ ខែកុម្ភៈ ឆ្នាំ២០២៣ គណៈកម្មាធិការអចិន្ត្រៃយ៍នៃរដ្ឋសភាសាធារណរដ្ឋសង្គមនិយមវៀតណាម បានចាប់ផ្តើមបើកកិច្ចប្រជុំលើកទី២០ របស់ខ្លួន ក្នុងរដ្ឋធានី ហាណូយ។ ក្នុងអំឡុងពេលបើកកិច្ចប្រជុំនោះ លោក Vuong Dinh Hue ប្រធានរដ្ឋសភាវៀតណាម បានថ្លែងថា កិច្ចប្រជុំរយៈពេល ៣ ថ្ងៃ នេះ នឹងពិនិត្យពិភាក្សាលើសេចក្តីព្រាងច្បាប់ស្តីពី កិច្ចការពារជនស៊ីវិល, សេចក្តីព្រាងច្បាប់ស្តីពី ការការពារសិទ្ធិអ្នកប្រើប្រាស់ និងសេចក្តីព្រាងច្បាប់ស្តីពី កាផ្ទេរគ្រឿង អេឡិចត្រូនិច ដែលត្រូវបានពិនិត្យពិភាក្សាលើកដំបូង នៅក្នុងសម័យប្រជុំលើកទី៤ នៃរដ្ឋសភានីតិកាល ទី១៥ កាលពីចុងឆ្នាំ២០២២។ គណៈកម្មាធិការអចិន្ត្រៃយ៍ ក៏នឹងពិនិត្យពិភាក្សា និងធ្វើការសម្រេចចិត្តផងដែរ លើរបៀបវារៈ ៧ រួមទាំង បទប្បញ្ញត្តិស្តីពី ទោសទណ្ឌរំលោភបំពានផ្នែករដ្ឋបាល ក្នុងវិស័យសវនកម្មរដ្ឋ និងសេចក្តីព្រាង សេចក្តីសម្រេច ៣ របស់គណៈកម្មាធិការអចិន្ត្រៃយ៍។ សេចក្តីព្រាងក្រឹត្យស្តីពី ការការពារព័ត៌មានបុគ្គល, ការបង្កើតអង្គភាពថ្នាក់ស្រុក និងថ្នាក់ឃុំ ក្នុងខេត្តមួយចំនួន និងការត្រៀមបម្រុងថវិកាជាតិសម្រាប់ការងារ និងគម្រោងនានា ក្រោមការស្តារសេដ្ឋកិច្ចសង្គម និងកម្មវិធីអភិវឌ្ឍ ក៏ត្រូវបានដាក់បញ្ចូលក្នុងរបៀបវារៈ ផងដែរ។ ក្រៅពីនេះ អង្គសភាទាំងមូល នឹងពិនិត្យមើលលើសម័យប្រជុំវិសាមញ្ញលើកទី២ និងទី៣ និងពិចារណាលើសំណើរបស់នាយករដ្ឋមន្ត្រីស្តីពី ការតែងតាំង និងការកែសម្រួលឯកអគ្គរដ្ឋទូតវៀតណាម មួយចំនួន។ ក្រៅពីនេះ អង្គសភាទាំងមូល នឹងពិនិត្យមើលដំណោះស្រាយរបស់រដ្ឋសភាលើញត្តិនានារបស់ប្រជាជន នៅក្នុងខែធ្នូ ឆ្នាំ២០២២ និងខែមករា ឆ្នាំ២០២៣ នេះបើតាមការលើកឡើងរបស់លោកប្រធាន Hue៕

ព័ត៌មានសភាទ្វីបអាស៊ី ១៥-០២-២៣-កែវ ធាវី ប្រែសម្រួលពី៖ https://en.vietnamplus.vn/na-standing-committee-opens-20th-session/248249.vnp

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក