មើលលម្អិត

ភ្ញាក់ផ្អើល! អាមេរិក ផ្តល់វ៉ាក់សាំងកូវីដដល់ កូរ៉េខាងជើង

មន្ត្រីស៊ើបការណ៍សម្ងាត់កំពូលមួយរូបក្នុងប្រទេសកូរ៉េខាងត្បូងនិយាយថា សហរដ្ឋអាមេរិកបានផ្តល់វ៉ាក់សាំងការពារវីរុសកូវីដ ១៩ ដល់ប្រទេសកូរ៉េខាងជើងចំនួន ៦០ លានដូស ។ លោក Park Jie-won ប្រធានសេវាស៊ើបការណ៍សម្ងាត់ជាតិរបស់កូរ៉េខាងត្បូងបាននិយាយកាលពីថ្ងៃសុក្រនៅឯគណៈកម្មាធិការសភាថា កាយវិការមនុស្សធម៌របស់ទីក្រុងវ៉ាស៊ីនតោននេះត្រូវបានគេមើលឃើញថាជាការជំរុញឲ្យបន្តកិច្ចសន្ទនាជាមួយទីក្រុងព្យុងយ៉ាង ។

ដោយដកស្រង់សម្ដីពីលោក Park, សមាជិកសភាម្នាក់បាននិយាយថា សហរដ្ឋអាមេរិកនឹងផ្តល់វ៉ាក់សាំងកូវីដក្នុងកិច្ចសហប្រតិបត្តិការជាមួយអង្គការសហប្រជាជាតិ (UN) ។ ទន្ទឹមនោះ ទីភ្នាក់ងារព័ត៌មានយ៉ុនហាប់និយាយថា ការផ្តល់ជូននេះត្រូវបានធ្វើឡើងកាលពីខែធ្នូទៅកាន់ឯកអគ្គរដ្ឋទូតកូរ៉េខាងជើងប្រចាំនៅអង្គការសហប្រជាជាតិ (UN) គឺលោក គីម សុង ។ គាត់ត្រូវបានគេរាយការណ៍ថាបានបង្ហាញពីការពេញចិត្ត ប៉ុន្តែមិនបានប្រាប់ថាតើវ៉ាក់សាំងនេះជាប្រភេទ Pfizer ឬ Moderna នោះទេ ។ លោក Park ក៏បានរាយការណ៍ដែរថា ទីក្រុងព្យុងយ៉ាងមិនទុកចិត្តវ៉ាក់សាំងរុស្ស៊ី ឬចិនទេ ហើយហាក់ដូចជាចាប់អារម្មណ៍តែវ៉ាក់សាំងដែលមកពីអាមេរិកប៉ុណ្ណោះ ។

ស្របពេលជាមួយគ្នានេះវាមិនច្បាស់ទេថា កូរ៉េខាងជើងដែលបានបាញ់សាកល្បងកាំជ្រួចមីស៊ីលនៅឆ្នាំនេះ នឹងទទួលយកការផ្តល់ជូនវ៉ាក់សាំងកូវីដឬយ៉ាងណានោះ ខណៈថ្មីៗនេះប្រទេសនេះបានស្នើថា ខ្លួនអាចនឹងលុបចោលការផ្អាកការសាកល្បងនុយក្លេអ៊ែរ និងមីស៊ីលផ្លោងអន្តរទ្វីបដែលបានប្រកាសកាលពីខែមេសា ឆ្នាំ ២០១៨ ៕

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក