មើលលម្អិត

សមាជិកសភាសហរដ្ឋអាម៉េរិក ៧៥រូប ទទូចឱ្យលោកប្រធានាធិបតី លើកឡើងពីបញ្ហាសិទ្ធិមនុស្ស ជាមួយនាយករដ្ឋមន្រ្តីឥណ្ឌា

លោក Joe Biden ប្រធានាធិបតីសហរដ្ឋអាម៉េរិក និងលោក Narendra Modi នាយករដ្ឋមន្រ្តីឥណ្ឌា

សមាជិកសភាសហរដ្ឋអាម៉េរិកជាច្រើនរូបបានសរសេរលិខិតមួយផ្ញើទៅកាន់លោក Joe Biden ប្រធានាធិបតីសហរដ្ឋអាម៉េរិក ដើម្បីឱ្យលោកលើកឡើងពីបញ្ហាសិទ្ធិមនុស្សជាមួយលោក Narendra Modi នាយករដ្ឋមន្រ្តីនៃសាធារណរដ្ឋឥណ្ឌា ក្នុងអំឡុងពេលនៃដំណើរទស្សនកិច្ចរបស់លោក Modi មកកាន់ រដ្ឋធានីវ៉ាស៊ីន សហរដ្ឋអាម៉េរិក នៅក្នុងសប្តាហ៍នេះ។ ក្នុងលិខិតផ្ញើជូនលោកប្រធានាធិបតី មានហត្ថលេខារបស់សមាជិកព្រឹទ្ធសភា និងសមាជិកសភាតំណាងសហរដ្ឋអាម៉េរិកចំនួន ៧៥រូប។ លិខិតដដែលមានខ្លឹមសារថា តាមរយៈរបាយការណ៍ឯករាជ្យ និងគួរឱ្យទុកចិត្តបានមួយចំនួនបានឆ្លុះបញ្ចាំងពីសញ្ញានៃបញ្ហាលំហរនយោបាយកាន់តែរួមតូចទៅៗនៅក្នុងប្រទេសឥណ្ឌា ការកើនឡើងនៃ ការមិនអត់ឱនសាសនា ការដាក់គោលដៅលើអង្គការសង្គមស៊ីវិល និងអ្នកសារព័ត៌មាន ព្រមទាំងការកើន ឡើងនៃការរឹតត្បិតសេរីភាពសារព័ត៌មាន និងការចូលប្រើអ៊ីនធឺណិតជាដើម។ លិខិតរបស់សមាជិកសភាបានគូសបញ្ជាក់ដោយសំអាងលើ របាយការណ៍របស់ក្រសួងការបរទេសសហរដ្ឋអាម៉េរិកឆ្នាំ២០២២ ស្តីពីការអនុវត្តសិទ្ធិមនុស្សនៅក្នុងប្រទេសឥណ្ឌា។ ឯកសារនេះបានរកឃើញពីការរឹតបន្តឹងសិទ្ធិនយោបាយ និងសេរីភាពនៃការបញ្ចេញមតិនៅក្នុងប្រទេសឥណ្ឌា។ ដូចគ្នានេះដែរ របាយការណ៍របស់ក្រសួងការបរទេសសហរដ្ឋអាម៉េរិកឆ្នាំ២០២២ ស្តីពីសេរីភាពសាសនាអន្តរជាតិនៅក្នុងប្រទេសឥណ្ឌាបានបង្ហាញពីការការកើនឡើងនៃការព្រួយបារម្ភពីភាពមិនអត់ឱនសាសនាចំពោះជនជាតិភាគតិច និងអំពើហិង្សាសាសនាទាំងក្នុងតួអង្គឯកជន និងរដ្ឋ។ លើសពីនេះទៀត លិខិតដដែលបានបង្ហាញពីការវាយតម្លៃប្រចាំឆ្នាំដែលចងក្រងឡើង ដោយអង្គការអ្នកសារព័ត៌មានគ្មានព្រំដែន បានរកឃើញថា ឥណ្ឌាបានធ្លាក់ចំណាត់ថ្នាក់គួរឱ្យកត់សម្គាល់សម្រាប់សេរីភាពសារព័ត៌មានហើយក្នុងពេលបច្ចុប្បន្ននេះ ឥណ្ឌាជាប់ចំណាត់ទី១ ក្នុងការបិទអ៊ីនធឺណិត សម្រាប់រយៈពេល ៥ឆ្នាំជាប់ៗគ្នា។ លិខិតរបស់សមាជិកសភាទទួលស្គាល់ថា ជាថ្មីម្តងទៀតប្រធានាធិបតីសហរដ្ឋអាម៉េរិកបានគោរពសិទ្ធិមនុស្ស សេរីភាពសារព័ត៌មាន សេរីភាពសាសនា និងគោលការណ៍គ្រឹះពហុនិយម នៃគោលនយោបាយការបរទេសរបស់សហរដ្ឋអាម៉េរិក។ សមាជិកសភាសហរដ្ឋអាម៉េរិកបានសង្កត់ធ្ងន់ថា ដើម្បីជំរុញតម្លៃទាំងនេះជាមួយនឹងភាពគួរឱ្យជឿទុកចិត្តបាននៅលើឆាកអន្តរជាតិ យើងត្រូវតែអនុវត្តដោយស្មើភាពដូចគ្នាទៅកាន់មិត្តភក្តិ និងសត្រូវ៕ http://ព័ត៌មានសភាទ្វីបអាម៉េរិក ២២-០៦-២៣- ឈាវ សុផាត ប្រែសម្រួលពី៖ https://www.radio.gov.pk/21-06-2023/dozens-of-us-lawmakers-urge-biden-to-raise-human-rights-issues-with-modi

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក