មើលលម្អិត

ប្រធានសភាតំណាងអាមេរិក បង្ហាញការប្តេជ្ញាចិត្តក្នុងការធ្វើឱ្យទំនាក់ទំនងឥណ្ឌា-អាមេរិក កាន់តែស៊ីជម្រៅ

លោក Kevin McCarthy ប្រធានសភាតំណាងសហរដ្ឋអាមេរិក

លោក Kevin McCarthy ប្រធានសភាតំណាងសហរដ្ឋអាមេរិក បានទទួលស្វាគមន៍លោក Taranjit Singh Sandhu ឯកអគ្គរដ្ឋទូតនៃសាធារណរដ្ឋឥណ្ឌា ប្រចាំរដ្ឋកាលីហ្វ័រញ៉ាក្នុងសហរដ្ឋអាមេរិក ហើយបាន សម្តែងការប្តេជ្ញាចិត្ត និងការគាំទ្រយ៉ាងមុតមាំក្នុងការធ្វើឱ្យកាន់តែស៊ីជម្រៅនូវភាពជាដៃគូរវាងឥណ្ឌា និងសហរដ្ឋអាមេរិក។ លោក McCarthy បានស្វាគមន៍បេសកជនឥណ្ឌាលោក Taranjit Singh Sandhu នៅក្នុងពិធីទទួលស្វាគមន៍ ដែលរៀបចំដោយសមាជិកជនភៀសខ្លួនដ៏ល្បី Indian Wells ក្នុងរដ្ឋកាលីហ្វ័រញ៉ា ហើយ បានបង្ហាញពីការគាំទ្ររបស់លោកឡើងវិញសម្រាប់ទំនាក់ទំនងរវាងឥណ្ឌា និងសហរដ្ឋអាមេរិកឱ្យកាន់តែ រឹងមាំនៅថ្ងៃខាងមុខ។ ព្រឹត្តិការណ៍នេះគឺជាផ្នែកមួយនៃការផ្សព្វផ្សាយនូវទំនាក់ទំនងទ្វេភាគីប្រកបដោយនិរន្តរភាពរបស់ស្ថានទូតទៅកាន់តំណាងជាប់ឆ្នោត និងការិយាល័យការិយាធិបតេយ្យនៅកម្រិតសហព័ន្ធ និងថ្នាក់ក្រោមជាតិ និងចំពោះឧស្សាហកម្ម និងជនភៀសខ្លួនឥណ្ឌា។ ថ្លែងសុន្ទរកថានៅក្នុងកិច្ចប្រជុំនេះ លោក Sandhu បានលើកឡើងពីដំណើររបស់ឥណ្ឌាក្នុងរយៈពេល ៧៥ឆ្នាំ ចុងក្រោយនេះក្នុងគ្រប់វិស័យ រួមទាំងនយោបាយ និងសេដ្ឋកិច្ច ការផ្លាស់ប្តូរប្រព័ន្ធឌីជីថលដែលកំពុងបន្ត និងថាមពលស្អាត ការវិវត្តនៃភាព ជាដៃគូឥណ្ឌា-អាមេរិក និងរបៀបនៃការវិវត្តដែលកំពុងត្រូវបានដឹកនាំដោយលោកនាយករដ្ឋមន្ត្រី Narendra Modi ព្រមទាំងចក្ខុវិស័យរបស់លោកប្រធានាធិបតី Joe Biden និងតួនាទីរបស់ជនភៀសខ្លួនក្នុងការជំរុញ ទំនាក់ទំនង។ លោក Sandhu បានមានប្រសាសន៍ថា “ជាដំបូង ដំណើរអភិវឌ្ឍន៍ដ៏គួរឱ្យកត់សម្គាល់របស់ឥណ្ឌា បានយកឈ្នះលើបញ្ហាប្រឈមជាច្រើន។ ទីពីរ ការវិវត្តស្របគ្នានៃភាពជាដៃគូឥណ្ឌា-អាមេរិក ដើម្បីក្លាយជាទំនាក់ទំនងដែលមានសារៈសំខាន់មួយនៅក្នុងពិភពលោក និងទីបី តួនាទីគំរូដែលជនជាតិឥណ្ឌា (Diaspora) បានអនុវត្តន៍ និងបន្តដើរតួក្នុងការចិញ្ចឹមបីបាច់ទំនាក់ទំនងនេះ”។ នៅក្នុងសុន្ទរកថារបស់លោក Sandhu ក៏បានគូសបញ្ជាក់ពីទិដ្ឋភាពសំខាន់ៗចំនួនបីដែលគួរយកចិត្តទុកដាក់។ លោកបានកត់សម្គាល់ថា ភាពជាដៃគូរវាងឥណ្ឌា និងអាមេរិកកំពុងរីកចម្រើន និងមានអនុភាពលើវិស័យថ្មីនៃការខិតខំប្រឹងប្រែង៕ ព័ត៌មានសភាទ្វីបអាមេរិក ២០-០២-២៣-ផាត់ ត្រដែត

ប្រែសម្រួលពី៖ https://www.business-standard.com/article/international/house-speaker-kevin-mccarthy-expresses-commitment-to-deepen-india-us-ties-

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក