មើលលម្អិត

គណៈប្រតិភូសមាជិកព្រឹទ្ធសភាសហរដ្ឋអាមេរិកធ្វើទស្សនកិច្ចនៅប្រទេសឡេតូនី

កាលពីថ្ងៃអាទិត្យ ទី១៩ ខែមិថុនា ឆ្នាំ២០២២ គណៈប្រតិភូសមាជិកព្រឹទ្ធសភាសហរដ្ឋអាមេរិកមួយក្រុម បានធ្វើដំណើរទស្សនកិច្ចទៅកាន់វិមាន Rīga Castle ក្នុងរដ្ឋធានីរីហ្គានៃសាធារណរដ្ឋឡេតូនីដើម្បីជួបពិភាក្សាការងារជាមួយលោក Egils Levits ប្រធានាធិបតីឡេតូនី។ គណៈប្រតិភូនេះ ដឹកនាំដោយលោក Mark Warner ប្រធានគណៈកម្មាធិការស៊ើបការណ៍នៃព្រឹទ្ធសភាសហរដ្ឋអាមេរិក អមដំណើរដោយសមាជិកគណៈកម្មាធិការនេះ ៣ រូប ដែលរួមមាន លោក Angus King, លោក Roy Blunt និងលោក Richard Burr។ ក្រុមគណៈប្រតិភូនេះ កំពុងបំពេញទស្សនកិច្ចស្វែងរកការពិតមួយ។ «ប្រធានាធិបតីឡេតូនី និងគណៈប្រតិភូខាងលើ បានពិភាក្សាគ្នាអំពី ការរៀបចំកិច្ចប្រជុំកំពូលរបស់អង្គការសន្ធិសញ្ញាអាត្លង់ទិចខាងជើង (NATO) នៅក្នុងរាជធានីម៉ាឌ្រីដនៃព្រះរាជាណាចក្រ អេស្ប៉ាញ នាចុងខែកក្កដា ឆ្នាំ២០២២ ខាងមុខនេះ ជាវេទិកាដែលទស្សនាទានយុទ្ធសាស្ត្ររបស់អង្គការណាតូថ្មី នឹងត្រូវបានអនុម័ត។ ប្រធានាធិបតីរូបនេះបានសង្កត់ធ្ងន់ថា ទស្សនាទាននេះត្រូវស្របតាមស្ថានភាពភូមិសាស្ត្រនយោបាយបច្ចុប្បន្ន ខណៈដែលយោធារុស្ស៊ីកំពុងឈ្លានពានប្រទេសជិតខាងរបស់ខ្លួន និងរំលោភយ៉ាងធ្ងន់ធ្ងរលើច្បាប់អន្តរជាតិ។ លោក Levits បានរំលឹកឡើងវិញថា សាធារណរដ្ឋបេឡារុសដែលគាំទ្រប្រទេសរុស្ស៊ីក្នុងសង្គ្រាមជាមួយប្រទេសអ៊ុយក្រែន គួរតែរងទណ្ឌកម្មធ្ងន់ធ្ងរ។ សមាជិកព្រឹទ្ធសភាសហរដ្ឋអាមេរិកទាំងនោះ បានសម្តែងការគាំទ្រដោយឥតងាករេចំពោះបេក្ខភាព ប្រទេសឡេតូនីចូលជាសម្ព័ន្ធមិត្តអង្គការណាតូ និងបានអះអាងអំពីការយោគយល់របស់សហរដ្ឋអាមេរិក ចំពោះតម្រូវការចាំបាច់ដើម្បីពង្រឹងវត្តមានអង្គការណាតូក្នុងតំបន់បាល់ទិច, សន្តិសុខដ៏មានអានុភាពក្នុងតំបន់បាល់ទិចក៏ត្រូវបានលើកយកមកពិភាក្សាផងដែរ, ការបិទការនាំចូលរបស់រុស្ស៊ី និងការត្រៀមសម្រាប់ អន្តរកាលរយៈពេលវែងសម្រាប់ធនធាននានាដែលអាចបង្កើតឡើងថ្មីវិញបាន៕

http://ព័ត៌មានសភាអន្តរជាតិ ២១-០៦-២២- កែវ ធាវីប្រែសម្រួលពី៖ https://eng.lsm.lv/article/politics/president/us-senators-drop-in-at-riga-castle.a462248/

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក