មើលលម្អិត

សមាជិកសភាចក្រភពអង់គ្លេស៖ ព្រះរាជាណាចក្រម៉ារ៉ុក គឺជាដៃគូយុទ្ធសាស្រ្តនៅអាហ្រ្វិកខាងលិច

លោកស្រី Heather Wheeler ប្រធានក្រុមមិត្តភាពសភាអង់គ្លេស-ម៉ារ៉ុក និងលោក Nasser Bourita រដ្ឋមន្រ្តីការបរទេសម៉ារ៉ុក

ទីភ្នាក់ងារសារព័ត៌មានម៉ារ៉ុក MAP បានរាយការណ៍ថា លោកស្រី Heather Wheeler សមាជិកសភាចក្រភពអង់គ្លេស និងជាប្រធានក្រុមមិត្តភាពសភាចក្រភពអង់គ្លេស-ម៉ារ៉ុកបានថ្លែងថា ព្រះចក្ខុវិស័យរបស់ព្រះអង្គ Mohammed VI ព្រះមហាក្សត្រនៃព្រះរាជាណាចក្រម៉ារ៉ុក នឹងធ្វើឱ្យម៉ារ៉ុកក្លាយជា “ដៃគូយុទ្ធសាស្រ្តមួយនៅអាហ្វ្រិកខាងលិច” ។ លោកស្រី Wheeler បានថ្លែងបែបនេះ បន្ទាប់ពីបានពិភាក្សាជាមួយលោក Nasser Bourita រដ្ឋមន្រ្តីក្រសួងការបរទេសម៉ារ៉ុក ដោយបានកោតសរសើរពីព្រះចក្ខុវិស័យព្រះមហាក្សត្រម៉ារ៉ុកសម្រាប់ការ “ពង្រឹងស្ថិរភាព ប្រជាធិបតេយ្យ និងសេដ្ឋកិច្ចដ៏ខ្លាំងក្លាដែលនឹងផ្តល់ប្រយោជន៍ដល់យុវជនម៉ារ៉ុក។ លោកស្រីក៏បានកោតសរសើរផងដែរពីកាលានុវត្តភាពដែលបានបង្កើតឡើង នៅក្នុងប្រទេសអាហ្រ្វិកខាងជើង ក៏ដូចជាប្រព័ន្ធធនាគារជាតិដែលលោកស្រីពណ៌នាថាមានមានរឹងមាំ។ ម៉ារ៉ុក និងចក្រភពអង់គ្លេសបាន ពង្រឹងកិច្ចសហប្រតិបត្តិការរបស់ខ្លួន នាពេលថ្មីៗនេះក្នុងវិស័យជាច្រើន រួមទាំង ធុរកិច្ច និងការអប់រំផង ដែរ។ ក្រសួងការបរទេសម៉ារ៉ុកបានឱ្យដឹងថា មន្រ្តីទាំងពីររូបបានពិភាក្សាគ្នាពី “ការអភិវឌ្ឍជាវិជ្ជមានក្នុងចំណងទាក់ទងទ្វេភាគីក្នុងក្របខ័ណ្ឌនៃការអភិវឌ្ឍភាពជាដៃគូយុទ្ធសាស្រ្ត រវាងប្រទេសទាំងពីរ”។ ដូចគ្នានេះដែរ លោក Simon Martin ឯកអគ្គរដ្ឋទូតចក្រភពអង់គ្លេសប្រចាំប្រទេសម៉ារ៉ុកបានសម្តែងនូវសុទិដ្ឋិនិយមអំពីអនាគតនៃចំណងទាក់ទងរវាងប្រទេសទាំងពីរចាប់ពីចុងឆ្នាំ២០២២មក នៅពេលដែល ព្រះមហាក្សត្រអង្គថ្មី ព្រះអង្គ Charles III ឡើងគ្រងរាជ្យសម្បត្តិនៅក្នុងចក្រភពអង់គ្លេស។ ថ្លែងទៅកាន់សារព័ត៌មាន moroccoworldnews លោក Martin បានលើកឡើងថា មានសក្តានុពលដ៏ធំសម្បើមសម្រាប់កិច្ចសហប្រតិបត្តិការកម្រិតខ្ពស់រវាងចក្រភពអង់គ្លេស និងម៉ារ៉ុក ជាពិសេស វិស័យធុរកិច្ចនៅក្នុងប្រទេសទាំងពីរដែលកំពុងតែទន្ទឹងរង់ចាំដើម្បីពង្រឹង និងការធ្វើពិពិធកម្មចំណងទាក់ទងទ្វេភាគី។ នៅក្នុងឆ្នាំ២០២២ កសិករអង់គ្លេសបានបង្ហាញនូវចំណាប់អារម្មណ៍ក្នុងការផ្លាស់ប្តូរផលិតកម្មមកក្នុងប្រទេសម៉ារ៉ុក និងប្រជាជាតិអាហ្វ្រិកដទៃទៀត ដើម្បីចៀសវាងការចំណាយដើមខ្ពស់នៅក្នុងប្រទេសកំណើតរបស់ពួកគេ។ ផលិតផលកសិកម្ម ស្ថិតក្នុងចំណោមការនាំចេញដ៏ធំបំផុតរបស់ម៉ារ៉ុកទៅកាន់ចក្រភពអង់គ្លេស និងបានកើនឡើងយ៉ាងសម្បើម ចាប់តាំងពីអង់គ្លេសចាកចេញពីសហភាពអឺរ៉ុប(Brexit)៕ http://ព័ត៌មានសភាទ្វីបអឺរ៉ុប ១៣-០៤-២៣- ឈាវ សុផាត ប្រែសម្រួលពី៖ https://www.moroccoworldnews.com/2023/04/354941/uk-member-of-parliament-morocco-is-a-strategic-partner-in-west-africa

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក