មើលលម្អិត

ប្រធានសភាអ៊ុយក្រែន ពិភាក្សាការងារជាមួយប្រធានសភាប្រទេសនានា ពីអនាគតសមាជិកភាពរបស់អ៊ុយក្រែនក្នុងសហភាពអឺរ៉ុប និងអង្គការណាតូ

លោក Ruslan Stefanchuk ប្រធានសភានៃប្រទេសអ៊ុយក្រែន

លោក Ruslan Stefanchuk ប្រធានសភានៃប្រទេសអ៊ុយក្រែនបានពិភាក្សាការងារជាមួយប្រធានសភាសាធារណរដ្ឋឡេតូនី លីទុយអានី អេស្តូនី ប៉ូឡូញ និងសាធារណរដ្ឋសហព័ន្ធអាល្លឺម៉ង់ពីអនាគតរបស់អ៊ុយក្រែននៅក្នុងសហភាពអឺរ៉ុប និងក្នុងកងទ័ពសម្ព័ន្ធមិត្តអាត្លង់ទិកខាងជើង(អង្គការណាតូ)។ លោក Stefanchuk បានបង្ហោះសារក្នុងបណ្តាញសង្គមហ្វេសប៊ុកថា កិច្ចសន្ទនាបានធ្វើឡើងជាផ្នែកមួយនៃជំនួបរវាងបណ្តាប្រធានសភា ជាមួយលោក Edgars Rinkēvičs ប្រធានាធិបតីជាប់ឆ្នោតថ្មីឡេតូនី។ លោកប្រធានសភាអ៊ុយក្រែនបានពាំនាំនូវពាក្យពេចន៍អបអរសាទរពីលោក Volodymyr Zelen sky ប្រធានាធិបតីអ៊ុយក្រែនដល់លោកប្រធានាធិបតីជាប់ឆ្នោតថ្មីថ្មោង។ លោក Stefanchuk បានកត់ សម្គាល់ថា លោក Rinkēvičs បានធានាការគាំទ្រគ្រប់ជ្រុងជ្រោយពីឡេតូនី រហូតដល់អ៊ុយក្រែនទទួលបាន ជ័យជម្នះ។ សម្រាប់លោកស្រី Viktorija Čmilytė-Nielsen ប្រធានសភាលីទុយអានីបានសង្កត់ធ្ងន់ថា ប្រទេសទាំងអស់ពេលនេះបានពួតដៃគ្នាជួយដល់អ៊ុយក្រែន និងការពារបណ្តាប្រទេសអឺរ៉ុបភាគខាងកើត។ លោកស្រី Bärbel Bas ប្រធានរដ្ឋសភាអាល្លឺម៉ង់បានថ្លែងពីការគាំទ្ររបស់បណ្តាប្រធានសភាសម្រាប់ មាគ៌ារបស់អ៊ុយក្រែនឆ្ពោះទៅសមាជិកភាពអង្គការណាតូ។ ក្នុងពេលជាមួយគ្នា លោកស្រី Elżbieta Witek ប្រធានសភាប៉ូឡូញបានថ្លែងថា ទ័ពសម្ព័ន្ធមិត្តនឹងកាន់តែខ្លាំងក្លាពេលមានអ៊ុយក្រែននៅជាមួយ។ លោក Stefanchuk ក៏បានថ្លែងអំណរគុណផងដែរដល់លោក Lauri Hussar ប្រធានសភាអេស្តូនីចំពោះពាក្យពេចន៍របស់លោកដែលថា អ៊ុយក្រែនគួរតែទទួលបានផែនទីបង្ហាញផ្លូវដ៏ច្បាស់លាស់មួយមកកាន់អង្គការណាតូ នៅឯកិច្ចប្រជុំកំពូលក្នុងទីក្រុងវីលនីញូស ប្រទេសលីទុយអានី។ លោក Stefanchuk បានថ្លែងបន្តថា សមាជិកភាពរបស់អ៊ុយក្រែននៅក្នុងកងទ័ពសម្ព័ន្ធមិត្តគឺជាគោលដៅយុទ្ធសាស្រ្តរបស់យើង ដូច្នឹងលោកសូមថ្លែងអំណរគុណដល់បណ្តាសភាដែលបានគាំទ្រសមាជិកសភាពអ៊ុយក្រែននៅក្នុងអង្គការណាតូ។ លោកក៏បានថ្លែងអំណរគុណផងដែរដល់បណ្តាសភាចំពោះឆន្ទៈរបស់ពួកគាត់ក្នុងការជួយដល់ការធ្វើសមាហរណកម្មរបស់អ៊ុយក្រែនចូលក្នុងសហភាពអឺរ៉ុប។ គួរបញ្ជាក់ថា ប្រធានសភាអ៊ុយក្រែនបានបំពេញទស្សនកិច្ចក្នុងប្រទេសឡេតូនី ដើម្បីសម្រេចបានការមូលមតិជាអន្តរ ជាតិលើការចូលជាសមាជិកអង្គការណាតូរបស់អ៊ុយក្រែន នៅមុនកិច្ចប្រជុំកំពូលធ្វើឡើងនៅក្នុងទីក្រុងវីលនីញូស។ ក្នុងអំឡុងពេលស្ថិតនៅក្នុងប្រទេសឡេតូនី លោក Stefanchuk បានចូលចួបលោក Edvards Smiltēns ប្រធានសភាឡេតូនី៕ http://ព័ត៌មានសភាទ្វីបអឺរ៉ុប ១១-០៧-២៣- ឈាវ សុផាត ប្រែសម្រួលពី៖ https://menafn.com/1106575757/Stefanchuk-Discusses-With-Speakers-Ukraines-Future-Membership-In-Eu-And-Nato

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក