មើលលម្អិត

នាយករដ្ឋមន្ត្រីថៃថ្លែងថា លោកគ្រោងរំលាយសភានៅខែមីនា ឆ្នាំ២០២៣ ខាងមុខ

រាជធានីបាងកក៖ កាលពីថ្ងៃអង្គារ ទី២១ ខែកុម្ភៈ ឆ្នាំ២០២៣ លោក Prayuth Chan-ocha នាយករដ្ឋមន្ត្រីនៃព្រះរាជាណាចក្រថៃ បានថ្លែងថា លោកនឹងរំលាយសភានៅខែមីនា ឆ្នាំ២០២៣ ខាងមុខ ដែលជាការត្រួសត្រាយផ្លូវសម្រាប់ការបោះឆ្នោតសកល នាខែឧសភា ឆ្នាំ២០២៣ ខាងមុខ។ រាជរដ្ឋាភិបាលនឹងបញ្ចប់អាណត្តិ ៤ ឆ្នាំ របស់ខ្លួន នៅថ្ងៃទី២៣ ខែមីនា ឆ្នាំ២០២៣ ខាងមុខ ប៉ុន្តែ តាមការកត់សម្គាល់របស់អ្នកសារព័ត៌មាន ក្រោយពីកិច្ចប្រជុំគណៈរដ្ឋមន្ត្រី លោក Prayuth បានថ្លែងថា លោកនឹងរំលាយសភាតំណាង នៅពេលដ៏ខ្លីខាងមុខនេះ។ លោក Prayuth ក៏បានកំណត់យកថ្ងៃទី០៧ ខែឧសភា ឆ្នាំ២០២៣ ជាថ្ងៃបោះឆ្នោត ផងដែរ។ លោក Prayuth បានកំពុងដឹកនាំរាជរដ្ឋាភិបាលចម្រុះ ហើយកំពុងស្វែងរកការដឹកនាំនៅអាណត្តិថ្មីបន្តទៀត។ លោក Prayuth បានចាប់ផ្តើមឡើងកាន់អំណាចដំបូងនៅក្នុងឆ្នាំ២០១៤ ខណៈលោកជាអគ្គមេបញ្ជាកងទ័ព លោកបានដឹកនាំរដ្ឋប្រហារយោធាទម្លាក់រាជរដ្ឋាភិបាលស៊ីវិលជាប់ឆ្នោត។ លោក Prayuth មិនបានឈរឈ្មោះបោះឆ្នោតសកលក្នុងឆ្នាំ២០១៩ ឡើយ ប៉ុន្តែ នៅគ្រានោះលោកជាបេក្ខជននាយករដ្ឋមន្ត្រីរបស់គណប្ស Palang Pracharath ដែលគាំទ្រដោយយោធា ដែលរួមគ្នាបង្កើតបានជារាជរដ្ឋាភិបាចម្រុះមួយ។ សម្រាប់ការបោះឆ្នោតនៅឆ្នាំ២០២៣ ខាងមុខនេះ គណប្ស Palang Pracharath បានជ្រើសតាំងលោក Prawit Wongsuwan ឧបនាយករដ្ឋមន្ត្រី ដែលជាឧត្តមសេនីយ៍ចូលនិវត្តន៍ផងដែរនោះ ជាបេក្ខជននាយករដ្ឋមន្ត្រីរបស់ខ្លួន ខណៈដែលលោក Prayuth បានចូលរួមជាមួយគណបក្សនយោបាយថ្មីមួយ គឺគណបក្ស Ruam Thai Sang Chart ឬគណបក្សរួបរួមជាតិថៃ ដែលបានជ្រើសតាំងលោកជាបេក្ខជននាយករដ្ឋមន្ត្រីរបស់ខ្លួន។ គណបក្សប្រឆាំង Pheu Thai បានបង្ហាញខ្លួននៅក្នុងការបោះឆ្នោតសកលនាពេលខាងមុខនេះ ហើយគ្មានបេក្ខជនពិតប្រាកដសម្រាប់ឈរឈ្មោះជានាយករដ្ឋមន្ត្រីនៅក្នុងការប្រកួតប្រជែងនេះឡើយរហូតមកដល់ពេលនេះ។ រដ្ឋធម្មនុញ្ញថៃចែងថា នាយករដ្ឋមន្ត្រីមិនត្រូវបានជ្រើសរើសចេញពីសមាជិកសភាជាប់ឆ្នោតឡើយ។ សម័យប្រជុំរួមនៃសភាតំណាង និងព្រឹទ្ធសភា ជាទូទៅ គឺជាស្ថាប័នមួយបង្កើតឡើងសម្រាប់តំណាងគំនិតអភិរក្សនិយមនៃការបង្កើតប្រទេសថៃ និងការជ្រើសតាំងនាយករដ្ឋមន្ត្រី៕

ព័ត៌មានសភាទ្វីបអាស៊ី ២២-០២-២៣-កែវ ធាវី  ប្រែសម្រួលពី៖ https://abcnews.go.com/International/wireStory/thailands-pm-suggests-dissolve-parliament-march-97350551

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក