មើលលម្អិត

ប្រធានសភាអាហ្វ្រិកខាងត្បូង៖ អាហ្រ្វិកខាងត្បូងនឹងបន្ត គាំទ្រប្រជាជនរុស្ស៊ី

លោកស្រី Nosiviwe Mapisa-Nqakula ប្រធានរដ្ឋសភានៃសាធារណរដ្ឋអាហ្រ្វិកខាងត្បូង

រដ្ឋធានីខេបថោន៖ លោកស្រី Nosiviwe Mapisa-Nqakula ប្រធានរដ្ឋសភានៃសាធារណរដ្ឋអាហ្រ្វិកខាងត្បូងបានថ្លែងថា អាហ្រ្វិកខាងត្បូងនឹងបន្តគាំទ្រសហព័ន្ធរុស្ស៊ី និងពិនិត្យពិចារណាគាំទ្រ សេដ្ឋកិច្ចរុស្ស៊ី។ លោកស្រី Mapisa-Nqakula បានថ្លែងសុន្ទរកថាបិទសន្និសីទសភារុស្ស៊ី-អាហ្រ្វិកលើកទី២ ធ្វើឡើងនៅក្នុងរដ្ឋធានីមូស្គូ ពេញមួយចុងសប្តាហ៍មុន។ សន្និសីទខាងលើ ក៏មានការចូលរួមពីលោក Vladimir Vladimirovich Putin ប្រធានាធិបតីសហព័ន្ធរុស្ស៊ីផងដែរ។ លោក Putin បានប្តេជ្ញាគាំទ្រដល់ប្រជាជាតិអាហ្រ្វិក នៅក្នុងវិស័យថាមពលនុយក្លេអ៊ែរ ការ បណ្តុះបណ្តាល និងការអប់រំ។ លោកស្រី Mapisa-Nqakula បានអំពាវនាវដល់សហព័ន្ធរុស្ស៊ីឱ្យជួយដល់ទ្វីបអាហ្រ្វិកក្នុងការទទួលបានអាសនៈអចិន្រ្តៃយ៍ នៅក្នុងក្រុមប្រឹក្សាសន្តិសុខរបស់អង្គការសហប្រជាជាតិ។ លោកស្រី Mapisa-Nqakula បានថ្លែងបន្ថែមថា“ប្រសិនបើរឿងនេះមិនអាចកើតមានឡើងទេ នោះយើងនឹងនៅតែបន្តកើតមានជម្លោះ ដូចដែលយើងកំពុងតែឃើញសព្វថ្ងៃនៅក្នុងទ្វីបរបស់យើង”។ លោកស្រី Mapisa-Nqakula បានថ្លែងថា អាហ្រ្វិកខាងត្បូងនឹងបន្តគាំទ្ររុស្ស៊ីក្នុងដំណើរស្វែងរកវិបុលភាពនយោបាយ និងសេដ្ឋកិច្ច។ “យើងនឹងបន្តរៀនសូត្រពីរុស្ស៊ី ហើយរុស្ស៊ីអាចជឿជាក់បានថា ក្នុងនាមជាប្រទេសមួយ ក្នុងនាមប្រជាជនអាហ្រ្វិកខាងត្បូង យើងនឹងបន្តគាំទ្រប្រជាជនរុស្ស៊ី”។ លោកស្រី Mapisa-Nqakula ក៏បានស្នើសុំឱ្យអាហ្រ្វិកខាងត្បូងធ្វើជាម្ចាស់ផ្ទះក្នុងកិច្ចពិភាក្សាសន្តិភាពរវាងរុស្ស៊ី និងអ៊ុយក្រែន ក្នុងពេលលោកស្រីចូលរួមប្រជុំក្នុងមហាសន្និបាតរបស់សហភាពអន្តរសភា (IPU) ដែលធ្វើឡើងនៅក្នុងប្រទេសបារ៉ែន។ លោកស្រី Mapisa-Nqakula បានថ្លែងបន្តថា ទណ្ឌកម្មដែលដាក់ដោយក្រុមប្រទេសលោកខាងលិចមកលើប្រជាជាតិអាហ្រ្វិក ដែលបណ្តាលមកពីជម្លោះនៅក្នុងទ្វីបមួយនេះ គឺជាការរំលោភសិទ្ធិមនុស្ស៕

ព័ត៌មានសភាទ្វីបអាហ្រ្វិក ២២-០៣-២៣- ឈាវ សុផាត ប្រែសម្រួលពី៖ https://ewn.co.za/0001/01/01/mapisa-nqakula-sa-will-continue-to-support-the-people-of-russia

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក