មើលលម្អិត

ប្រធានសភា PARLATINO សង្កត់ធ្ងន់ពីភាពចាំបាច់ ក្នុងការលើកកម្ពស់ កិច្ចសហប្រតិបត្តិការត្បូង-ត្បូង

លោកស្រី Silvia del Rosario Giacoppo ប្រធានសភា PARLATINO និងលោក Nasser Bourita រដ្ឋមន្រ្តីការបរទេសម៉ារ៉ុក

លោកស្រី Silvia del Rosario Giacoppo ប្រធានសភាអាម៉េរិកឡាទីន និងការ៉ាអ៊ីប ហៅកាត់ថា “PARLATINO” បានសង្កត់ធ្ងន់ពីភាពចាំបាច់ ក្នុងការពង្រឹងសកម្មភាពរួមគ្នា ដើម្បីផ្តល់ធាតុចូលក្នុងកិច្ចសហប្រតិបត្តិការត្បូង-ត្បូង(South-South cooperation)។ ថ្លែងទៅកាន់អ្នកសារព័ត៌មាន ក្រោយជំនួបពិភាក្សាជាមួយលោក Nasser Bourita រដ្ឋមន្រ្តីក្រសួងការបរទេសនៃព្រះរាជាណាចក្រម៉ារ៉ុក លោកស្រី Giacoppo បានសង្កត់ធ្ងន់ពីសារៈសំខាន់ក្នុងការពង្រឹងសម្ព័ន្ធភាពដែលមានស្រាប់រវាងសភា PARLATINO និងសភាម៉ារ៉ុក ក្នុងក្របខ័ណ្ឌនៃវេទិកាសភាអាម៉េរិកឡាទីនស្បែកខ្មៅ(Afro) ហៅកាត់ថា “AFROLAC”។ លោកស្រីប្រធានសភា PARLATINO ដែលបច្ចុប្បន្នកំពុងតែបំពេញទស្សនកិច្ចការងារនៅក្នុងប្រទេសម៉ារ៉ុកបានថ្លែងបន្ថែមថា សម្ព័ន្ធភាពសភាដែលមានរវាងអាហ្វ្រិក និងអាម៉េរិកឡាទីនកើតមានជាច្រើនឆ្នាំ មកហើយ ប៉ុន្តែយ៉ាងណាក៏ដោយគួរកត់សម្គាល់ថា “ការឈានទៅរកកិច្ចសហប្រតិបត្តិការត្បូង-ត្បូង”ដែលយើងនឹកមមៃជាច្រើនទសវត្សរ៍យកហើយ នៅតែមិនទាន់អាចអនុវត្តន៍បានតាមការចង់បាននៅ ឡើយ។ ក្នុងអំឡុងពេលនៃដំណើរទស្សនកិច្ចនេះ អគ្គលេខាធិការដ្ឋានមួយនឹងត្រូវបានបង្កើតឡើង ដែលនឹងដាក់បញ្ចូលកិច្ចសហប្រតិបត្តិការនេះទាក់ទិននឹងនីតិកម្ម និងសកម្មភាពរួមគ្នារបស់សភាទាំងពីរ។ ការប្តេជ្ញាចិត្តដ៏ខ្លាំងក្លាក្នុងការបន្តសកម្មភាពក្នុងសេវាកម្មនៃការឯកភាពរបស់ទ្វីបទាំងពីរ ដែលមានអ្វីៗជាច្រើនរួមគ្នា។ លោកស្រី Giacoppo បានថ្លែងបញ្ជាក់បែបនេះ។ លោកស្រី Giacoppo បានស្វាគមន៍ការប្តេជ្ញាចិត្តរបស់ទ្វីបអាហ្រ្វិក និងអាម៉េរិកឡាទីន ដើម្បីធ្វើការរួមគ្នាប្រយុទ្ធប្រឆាំងនឹងបញ្ហាបម្រែបម្រួលអាកាសធាតុ និងលើកកម្ពស់សន្តិភាពសន្តិសុខស្បៀង។ លោក-ស្រី Giacoppo បានអំពាវនាវឱ្យមានសកម្មភាពខ្លាំងក្លាជាងមុន ដើម្បីដោះស្រាយបញ្ហាផលប្រយោជន៍រួម និងសម្រេចបាននូវបំណងប្រាថ្នារបស់ទ្វីបទាំងពីរ។ គួរបញ្ជាក់ផងដែរថា សភា PARLATINO ដែលសភាម៉ារ៉ុក ជាសមាជិកសង្កេតការណ៍១រូបនោះ រួមមាន សភាតំណាងប្រទេស និងតំបន់ជាង២០ ភ្ជាប់ជាមួយនឹងកិច្ចព្រមព្រៀងសហប្រតិបត្តិការជាមួយនឹងស្ថាប័ន និងអង្គការ អន្តរជាតិនានាជាច្រើន៕

http://ព័ត៌មានសភាអន្តរជាតិ ១៧-០៦-២២- ឈាវ សុផាត ប្រែសម្រួលពី៖ https://www.einnews.com/pr_news/577065745/parlatino-speaker-stresses-need-to-boost-south-south-cooperation

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក