មើលលម្អិត

ប្រធានរដ្ឋសភាកូរ៉េខាងត្បូងថ្លែងថា លោកប្រធានាធិបតី Kim Jin-pyo ធ្វើការសម្រេចចិត្តយ៉ាងធំមួយក្នុងកិច្ចប្រជុំកំពូលកូរ៉េ-ជប៉ុន

លោក Kim Jin-pyo ប្រធានរដ្ឋសភាកូរ៉េខាងត្បូង

រដ្ឋធានីសេអ៊ូល៖ កាលពីថ្ងៃពុធ ទី២២ ខែមីនា ឆ្នាំ២០២៣ លោក Kim Jin-pyo ប្រធានរដ្ឋសភានៃសាធារណរដ្ឋកូរ៉េ (កូរ៉េខាងត្បូង) បានថ្លែងថា លោក Yoon Suk Yeol ប្រធានាធិបតីកូរ៉េខាងត្បូង បានធ្វើការសម្រេចចិត្តយ៉ាងធំមួយ ពាក់ព័ន្ធនឹងទំនាក់ទំនងជាមួយប្រទេសជប៉ុន ដែលទទូចឱ្យលោក Fumio Kishida នាយករដ្ឋមន្ត្រីជប៉ុន ចាត់វិធានការទៅវិញទៅមក។ ការកត់សម្គាល់របស់លោក Kim នេះ បានធ្វើឡើងក្នុងអំឡុងពេលធ្វើបទសម្ភាសន៍ជាមួយវិទ្យុមួយ ពាក់ព័ន្ធនឹងការសម្រេចចិត្តរបស់លោក Yoon ដើម្បីប៉ះប៉ូវសំណងដល់ជនរងគ្រោះកូរ៉េខាងត្បូង ដែលត្រូវបានគេបង្ខំឱ្យធ្វើការងារក្នុងសម័យសង្គ្រាមជប៉ុន ដែលត្រូវបានប្រើប្រាស់ថវិកាផ្ទាល់របស់ប្រទេសកូរ៉េខាងត្បូង ដោយមិនស្នើឱ្យប្រទេសជប៉ុនចូលរួមនៅក្នុងកិច្ចខិតខំប្រឹងប្រែងស្តារទំនាក់ទំនងជាមួយរាជរដ្ឋាភិបាលទីក្រុងតូក្យូដែលធ្លាប់មានជម្លោះជាមួយគ្នាយ៉ាងអាក្រក់នៅ ក្នុងអតីតកាល។ ថ្លែងក្នុងបទសម្ភាសន៍មួយជាមួយវិទ្យុ CBS radio លោក Kim បានថ្លែងថា ផ្តើមចេញពីជំហររបស់លោកប្រធានាធិបតី Yoon លោកបានធ្វើការសម្រេចចិត្តធំមួយ និងការសម្បទានមួយ ប៉ុន្តែ ប្រសិនបើការសម្រេចចិត្ត និងការសម្បទានរបស់លោកនេះ ត្រូវបានទទួលយកដោយប្រជាពលរដ្ឋ, ការបង្កើនទំនាក់ទំនងជាមួយគ្រួសារជនរងគ្រោះ និងគ្រួសារដែលបានបាត់បង់សមាជិករបស់ខ្លួន គឺមានភាពចាំបាច់។ ការកត់សម្គាល់របស់លោក Kim បែបនេះ បានបង្ហាញពីការយកចិត្តទុកដាក់ ដែលត្រូវបានគេមើលឃើញថា ជាការឱ្យតម្លៃជាវិជ្ជមានមួយលើការសម្រេចចិត្តរបស់លោក Yoon នៅគ្រាមួយ ខណៈពេលដែលគណបក្សប្រឆាំងធំមួយ គឺគណបក្សប្រជាធិបតេយ្យ ដែលដឹកដោយលោក Kim បានផ្ទុះការរិះគន់ជាប្រចាំលើកិច្ចប្រជុំកំពូលនាសប្តាហ៍ចុងក្រោយនេះ រវាងលោក Yoon និងលោក Kishida។ លោក Kim ក៏បានទទូចឱ្យជប៉ុនផ្តល់សម្បទានវិញផងដែរ៕

ព័ត៌មានសភាទ្វីបអាស៊ី ២៣-០៣-២៣-កែវ ធាវី ប្រែសម្រួលពី៖ https://en.yna.co.kr/view/AEN20230322005500315?section=national/politics

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក