មើលលម្អិត

ប្រធានសភាជាន់ខ្ពស់ជប៉ុនបញ្ជាឱ្យសមាជិកសភារបស់ខ្លួន ១ រូប ដែលអវត្តមានពីសម័យប្រជុំច្រើនលើក សុំទោសក្នុងសម័យប្រជុំសភា

ប្រធានសភាជាន់ខ្ពស់ជប៉ុន បញ្ជាឱ្យសមាជិកសភារបស់ខ្លួន ១ រូប ដែលអវត្តមានពីសម័យប្រជុំច្រើនលើក សុំទោសក្នុងសម័យប្រជុំសភា នៅសប្តាហ៍ក្រោយ

រាជធានីតូក្យូ៖ កាលពីថ្ងៃពុធ ទី២២ ខែកុម្ភៈ ឆ្នាំ២០២៣ លោក Hidehisa Otsuji ប្រធានសភាជាន់ខ្ពស់ជប៉ុន បានចេញបទបញ្ជាជាលាយលក្ខណ៍អក្សរតម្រូវឱ្យលោក Yoshikazu Higashitani សមាជិកសភាជាន់ខ្ពស់ដែលមានឈ្មោះក្នុងគណនី YouTube GaaSyy ចូលរួមសម័យប្រជុំពេញអង្គសភាជាន់ខ្ពស់ដែលនឹងប្រព្រឹត្តទៅនៅសប្តាហ៍ក្រោយនេះ។ កាលពីព្រឹកថ្ងៃពុធ ទី២២ ខែកុម្ភៈ ឆ្នាំ២០២៣ សភាជាន់ខ្ពស់បានបោះឆ្នោតអនុម័តដាក់ចេញនូវបទបញ្ជាមួយតម្រូវឱ្យសមាជិកសភា ដែលជាផលិតករ You Tube រូបនេះ សុំទោសក្នុងសម័យប្រជុំសភា ចំពោះទណ្ឌកម្មអវត្តមានពីសម័យប្រជុំសភារបស់ខ្លួន។ ទណ្ឌកម្មនេះ ត្រូវបានបោះឆ្នោតអនុម័តក្នុងកិច្ចប្រជុំពេញអង្គមួយ កាលពីថ្ងៃពុធ ទី២២ ខែកុម្ភៈ ឆ្នាំ២០២៣ ដោយសំឡងគាំទ្រភាគច្រើនពីសមាជិកសភាគណបក្សកាន់អំណាច និងគណបក្សប្រឆាំង។ នេះគឺជាលើកដំបូង សម្រាប់សភាជាន់ខ្ពស់ដាក់ទណ្ឌកម្មលើសមាជិកសភារបស់ខ្លួន ១ រូប ចាប់តាំងពីខ្លួន បានលើកពេលពិធីបុណ្យសពលោក Antonio Inoki អតីតសមាជិកសភាជាន់ខ្ពស់ដែលជាអ្នកតស៊ូមតិ ១ រូប អស់រយៈពេល ៣០ ថ្ងៃ កាលពីឆ្នាំ២០១៣ ខណៈពេលចេញទៅបំពេញទស្សនកិច្ចនៅប្រទេសកូរ៉េខាងត្បូង ដោយគ្មានការអនុញ្ញាត។ លោក GaaSyy គឺជាមនុស្សទី១ ដែលមិនធ្លាប់ត្រូវបានដាក់ទណ្ឌកម្មចំពោះការអវត្តមានពីសម័យប្រជុំសភាបែបនេះ។ ច្បាប់សភា បានចែងច្បាស់អំពីកម្រិតទណ្ឌកម្ម ៤ ប្រភេទ របស់សមាជិកសភា រួមមាន ការបញ្ចប់ មុខតំណែង, ការព្យួរពីសមាជិកសភា, ការសុំទោស និងការស្តីបន្ទោសក្នុងសម័យប្រជុំសភា៕

ព័ត៌មានសភាទ្វីបអាស៊ី ២៤-០២-២៣-កែវ ធាវី ប្រែសម្រួលពី៖ https://www.nippon.com/en/news/yjj2023022200874/upper-house-member-gaasyy-ordered-to-attend-meeting.html

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក