មើលលម្អិត

រាជរដ្ឋាភិបាលជប៉ុនគ្រោងបោះឆ្នោតជ្រើសតាំងសមាជិកសភាជាន់ខ្ពស់របស់ខ្លួន នៅថ្ងៃទី១០ ខែកក្កដា ឆ្នាំ២០២២ ខាងមុខ

លោក Fumio Kishida នាយករដ្ឋមន្ត្រីជប៉ុន

រាជធានីតូក្យូ៖ នៅក្នុងកិច្ចប្រជុំវិសាមញ្ញគណៈរដ្ឋមន្ត្រីជប៉ុនមួយ កាលពីថ្ងៃពុធ ទី១៥ ខែមិថុនា ឆ្នាំ២០២២ រាជរដ្ឋាភិបាលជប៉ុន បានសម្រេចបោះឆ្នោតជ្រើសតាំងសមាជិកសភាជាន់ខ្ពស់របស់ខ្លួន (House of Councillors) នៅថ្ងៃទី១០ ខែកក្កដា ឆ្នាំ២០២២ ខាងមុខ ដែលជាការចាប់ផ្តើមយុទ្ធនាការជាផ្លូវការសម្រាប់ព្រឹត្តិការណ៍នយោបាយដ៏សំខាន់នេះ។ យោងតាមការសម្រេចរបស់គណៈរដ្ឋមន្ត្រី កាលពីព្រឹកថ្ងៃពុធ ទី១៥ ខែមិថុនា ឆ្នាំ២០២២ បន្ទាប់ពី សម័យប្រជុំសាមញ្ញប្រចាំឆ្នាំរបស់សភាដែលមានរយៈពេល ១៥០ ថ្ងៃ ត្រូវបានបិទបញ្ចប់ រដូវកាលនៃ យុទ្ធនាការបោះឆ្នោតផ្លូវការសម្រាប់ការបោះឆ្នោតរាល់ ៣ ឆ្នាំ ម្តង របស់សភាជាន់ខ្ពស់ជប៉ុននឹងចាប់ផ្តើមនៅថ្ងៃទី២២ ខែមិថុនា ឆ្នាំ២០២២ ខាងមុខនេះ។ សេចក្តីរាយការណ៍នានា បានឱ្យដឹងថា នៅក្នុងសន្និសីទសារព័ត៌មានមួយ កាលពីព្រឹកថ្ងៃពុធ ទី១៥ ខែមិថុនា ឆ្នាំ២០២២ លោក Fumio Kishida នាយករដ្ឋមន្ត្រីជប៉ុន ត្រូវបានគេរំពឹងថា នឹងលើកសរសើរ អំពីសមិទ្ធផលនានារបស់ខ្លួន ដែលជាថ្នាក់ដឹកនាំរបស់ប្រទេសនេះ ជាមួយនឹងការប្តេជ្ញាចិត្តរបស់ខ្លួនថា នឹងដឹកនាំគណបក្សនយោបាយចម្រុះដែលកំពុងកាន់អំណាច ឆ្ពោះទៅទទួលជ័យជំនះដ៏ត្រចះត្រចង់នៅក្នុងការបោះឆ្នោតសភាជាន់ខ្ពស់នៅពេលខាងមុខ។ បេក្ខជនប្រហែល ៥០០ នាក់ ត្រូវបានគេរំពឹងថា នឹងឈរឈ្មោះនៅក្នុងការបោះឆ្នោតព្រឹទ្ធសភានេះ ដែលទំនងជានឹងត្រូវដាក់បញ្ចូលវិធានការមួយចំនួន ដើម្បីពង្រឹងសន្តិសុខជាតិ និងការទប់ស្កាត់ការ ឡើងថ្លៃទំនិញ។ អាសនៈព្រឹទ្ធសភា ១២៥ ក្នុងចំណោម ២៤៨ អាសនៈ ដែលរួមមាន អាសនៈ ៧៤ របស់មណ្ឌលសភាខេត្ត, ៥០ អាសនៈ ស្ថិតក្រោមការបោះឆ្នោតតាមប្រព័ន្ធសមាមាត្រ និង ១ អាសនៈទៀត សម្រាប់បំពេញកន្លែងដែលទំនេរនៅខេត្ត Kanagawa ភាគខាងកើតប្រទេសជប៉ុន៕

http://ព័ត៌មានសភាអន្តរជាតិ ១៦-០៦-២២- កែវ ធាវីប្រែសម្រួលពី៖ https://english.newstracklive.com/news/japan-set-to-hold-an-upper-house-election-on-july-10th-sc57-nu318-ta318-1234426-1.html

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក