មើលលម្អិត

សភានីការ៉ាហ្គា អះអាងជាថ្មីថាម្តងទៀតពីជំហរគាំទ្រគុយបា

សភានៃសាធារណរដ្ឋនីការ៉ាហ្គា

កាលពីថ្ងៃអង្គារ ទី១៨ ខែមេសា ឆ្នាំ២០២៣ លោក Gustavo Porras ប្រធានរដ្ឋសភានៃសាធារណរដ្ឋ នីការ៉ាហ្គា បានអះអាងជាថ្មីថាម្តងទៀតពីជំហរគាំទ្ររបស់ប្រទេសនីការ៉ាហ្គា ចំពោះបដិវត្តន៍នៃសាធារណ រដ្ឋគុយបា។ លោក Gustavo Porras បានផ្ញើសារលិខិតមួយទៅកាន់ប្រទេសគុយបាក្នុងឱកាសនៃទិវាមិត្តភាព នីការ៉ាហ្គា-គុយបា ដោយចង្អុលបង្ហាញថា ទំនាក់ទំនងភាពជាបងប្អូន និងកិច្ចសហប្រតិបត្តិការ ព្រមទាំងការគាំទ្រគ្នាទៅវិញទៅមកនឹងដោយគ្មានលក្ខខណ្ឌ រវាងប្រទេសទាំងពីរត្រូវបានឆ្លុះបញ្ចាំងនៅក្នុងទំព័រប្រវត្តិសាស្ត្រនៃប្រទេសទាំងពីរ ។ នៅក្នុងសារលខិតនេះបានគូសបញ្ជាក់ទៀតថា “ភាតរភាព សាមគ្គីភាព និងការតស៊ូឥតឈប់ឈរក្នុងការការពារការប្តេជ្ញាចិត្តដោយខ្លួនឯងរបស់ប្រជាជនយើង” ត្រូវបានពង្រឹងបន្ថែមក្នុងរយៈពេលជាច្រើនឆ្នាំកន្លងមកនេះ។ ក្នុងសារលិខិតនោះក៏បាននិយាយដល់ការការហ៊ុមព័ទ្ធសេដ្ឋកិច្ច ដែលបានដាក់ដោយសហរដ្ឋអាមេរិកដើម្បីប្រឆាំងនឹងប្រទេសគុយបា ហើយបានអះអាងថា សហរដ្ឋអាមេរិកនឹងមិនអាចកម្ចាត់ “ប្រជាជនគុយបាដ៏ក្លាហាន និងគ្រប់ជំនាន់បានឡើយ”។ កាលពីខែឧសភា ឆ្នាំ២០១៩ សភានីការ៉ាហ្គាបានបង្កើតច្បាប់មួយដែលកំណត់យកថ្ងៃទី១៧ ខែមេសា ជាទិវាមិត្តភាពរវាងប្រទេសគុយបា និងប្រទេសនីការ៉ាហ្គា ដើម្បីគោរពដល់អ្នកបើកយន្តហោះ Carlos Ulloa ដែលបានធ្លាក់ក្នុងការការពារបដិវត្តន៍គុយបានៅ Playa Girón កាលពីថ្ងៃទី១៧ ខែមេសាឆ្នាំ១៩៦១ នៅពេលដែលប្រទេសគុយបាត្រូវបានឈ្លានពានដោយទាហានស៊ីឈ្នួល បម្រើរបស់រដ្ឋាភិបាលសហរដ្ឋអាមេរិក ៕ http://ព័ត៌មានសភាទ្វីបអាមេរិក ១៩-០៤-២៣-ផាត់ ត្រដែត ប្រែសម្រួលពី៖ https://www.plenglish.com/news/2023/04/18/nicaraguan-parliament-reiterates-support-for-cuba/

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក