មើលលម្អិត

ប្រធានសភាប្រជាជនចិនជួបពិភាក្សាការងារជាមួយ ប្រធានាធិបតីអាល់ហ្សេរី

លោក Zhao Leji ប្រធានសភាប្រជាជនចិនពិភាក្សាការងារជាមួយលោក Abdelmadjid Tebboune ប្រធានាធិបតីអាល់ហ្សេរី ក្នុងរដ្ឋធានីប៉េកាំង នាថ្ងៃទី១៩ ខែកក្កដា ឆ្នាំ២០២៣

រដ្ឋធានីប៉េកាំង៖ កាលពីថ្ងៃពុធ ទី១៩ ខែកក្កដា ឆ្នាំ២០២៣ លោក Zhao Leji ប្រធានសភាប្រជាជនចិន បានទទួលជួបពិភាក្សាការងារជាមួយលោក Abdelmadjid Tebboune ប្រធានាធិបតីនៃសាធារណរដ្ឋអាល់ហ្សេរី ក្នុងរដ្ឋធានីប៉េកាំង។ លោក Zhao បានថ្លែងថា ទំនាក់ទំនងមិត្តភាពចិន-អាល់ហ្សេរី មានប្រវត្តិយូរលង់មកហើយ និងជាគ្រឹះនយោបាយដ៏រឹងមាំ។ លោក Zhao បានបន្តទៀតថា សភាប្រជាជនចិនមានឆន្ទៈចង់ធ្វើការជាមួយសភាប្រជាជន និងក្រុមប្រឹក្សាជាតិអាល់ហ្សេរី ដើម្បីអនុវត្តន៍កិច្ចព្រមព្រៀងសំខាន់ៗ ដែល ប្រមុខរដ្ឋនៃប្រទេសទាំងពីរបានឯកភាពគ្នាដើម្បីលើកកម្ពស់ការផ្លាស់ប្តូរនិងកិច្ចសហប្រតិបត្តិការគ្រប់កម្រិត និងដើម្បីផ្តល់ការធានាផ្នែកច្បាប់ឱ្យបានល្អសម្រាប់កិច្ចសហប្រតិបត្តិការទ្វេភាគីជាក់ស្តែង។ លោក Zhao បានអបអរសាទរប្រទេសអាល់ហ្សេរី ចំពោះការបោះឆ្នោតជ្រើសតាំងជាសមាជិកមិនអចិន្ត្រៃយ័នៃក្រុមប្រឹក្សាសន្តិសុខអង្គការសហប្រជាជាតិឆ្នាំ ២០២៤-២០២៥ និងបានបង្ហាញនូវការត្រៀមខ្លួនធ្វើការជាមួយអាល់ហ្សេរី ដើម្បីកសាងសេដ្ឋកិច្ចពិភពលោកបើកចំហរ និងជំរុញឱ្យមានប្រព័ន្ធគ្រប់គ្រងជាសកលប្រកបដោយសមភាព និងកាន់តែមានភាពត្រឹមត្រូវ។ គួរកត់សម្គាល់ថា ប្រទេសអាល់ហ្សេរី និងប្រទេសចិន តែងតែបានគាំទ្រគ្នាដោយឥតងាករេ។ លោក Tebboune បានថ្លែងថា ប្រទេសអាល់ហ្សេរីបានកោតសរសើរនូវសមិទ្ធផលសំខាន់ៗនានា ដែលបានបង្កើតឡើងដោយប្រជាជនចិន ឆ្លងកាត់ការលំបាករយៈពេលយូរ និងមានឆន្ទៈរៀនសូត្រពីបទពិសោធន៍របស់ចិន និងកិច្ចសហប្រតិបត្តិការស៊ីជម្រៅលើវិស័យផ្សេងៗ ដើម្បីនាំមកនូវផលប្រយោជន៍សម្រាប់ប្រជាជននៃប្រទេសទាំងពីរឱ្យបានកាន់តែល្អប្រសើរ…៕ http://ព័ត៌មានសភាទ្វីបអាស៊ី ២១-០៧-២៣-កែវ ធាវី ប្រែសម្រួលពី៖ https://english.news.cn/20230719/b153433f303847e582a74ce5abb73fb7/c.html

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក