មើលលម្អិត

ប្រធានសភាប្រឹក្សានយោបាយប្រជាជនចិនទទូចឱ្យមានកិច្ចខិតខំប្រឹងប្រែងក្នុងទំនាក់ទំនងចិនដីគោក និងកោះតៃវ៉ាន់

លោក Wang Huning ប្រធានសភាប្រឹក្សានយោបាយប្រជាជនចិន

ទីក្រុង XIAMEN៖ កាលពីថ្ងៃសៅរ៍ ទី១៧ ខែមិថុនា ឆ្នាំ២០២៣ លោក Wang Huning ប្រធានសភាប្រឹក្សានយោបាយប្រជាជនចិន និងជាសមាជិកគណៈកម្មាធិការអចិន្ត្រៃយ៍ នៃការិយាល័យនយោបាយគណៈកម្មាធិការមជ្ឈិមបក្សកុម្មុយនិស្តចិន បានអំពាវនាវឱ្យប្រជាជននៃភាគីច្រកសមុទ្រតៃវ៉ាន់ទាំងពីរតស៊ូ ដើម្បីកសាងជាតិឡើងវិញ និងការចែករំលែកឱកាសនានា ដែលឆ្ពោះទៅរកការធ្វើទំនើបកម្មចិន។ ការកាត់សម្គាល់របស់លោក Wang នេះ ធ្វើឡើង ក្នុងសន្និសីទដ៏ធំមួយនៃវេទិកាស្តីពី ច្រកសមុទ្រលើកទី១៥ ដែលបានប្រព្រឹត្តទៅនៅទីក្រុង Xiamen ភាគខាងកើតខេត្ត Fujian ប្រទេសចិន។ លោក Wang បានសង្កត់ធ្ងន់លើសារលិខិតអបអរសាទររបស់លោក Xi Jinping អគ្គលេខាធិការគណៈកម្មាធិការមជ្ឈិមបក្សកុម្មុយនិស្តចិនក្នុងសន្និសីទនោះ។ គួរកត់សម្គាល់ផងដែរថា លោក Xi ចាត់ទុកវេទិកាស្តីពី ច្រកសមុទ្រនេះ ជាបញ្ហាសំខាន់។ លោក Wang បានអំពាវនាវឱ្យបន្តកិច្ចខិតខំប្រឹងប្រែងកែលម្អរវេទិកានេះ ដែលបានណែនាំ និងចង្អុលបង្ហាញដោយលោក Xi ក្នុងសារលិខិតនោះ។ លោក Wang បានកត់សម្គាល់ថា ការអភិវឌ្ឍទំនាក់ទំនងចិនដីគោក និងកោះតៃវ៉ាន់ដោយសន្តិវិធី គឺជាផ្លូវត្រូវសម្រាប់ការពារសន្តិភាព និងស្ថិរភាពនៃទំនាក់ទំនងចិនដីគោក និងកោះតៃវ៉ាន់ និងការអភិវឌ្ឍរួមគ្នា។ លោក Wang បានម្តែងការប្រឆាំងដាច់ខាត រាល់សកម្មភាពរបស់ក្រុមបំបែកខ្លួនមួយចំនួន ដូចជា ក្រុមឯករាជ្យតៃវ៉ាន់ និងការជ្រៀតជ្រែកពីខាងក្រៅ។ លោក Wang បានលើកឡើងទៀតថា មានតែការគោរពតាមកុងសង់ស៊ីសឆ្នាំ១៩៩២ និងការប្រឆាំងនឹងឯករាជភាពរបស់កោះតៃវ៉ាន់តែប៉ុណ្ណោះ ដែលអាចធ្វើការទំនាក់ទំនងចិនដីគោក និងកោះតៃវ៉ាន់ឱ្យងាកទៅរកផ្លូវត្រូវនៃការអភិវឌ្ឍប្រកបដោយសន្តិវិធីបាន។ លោក Andrew Hsia អនុប្រធានគណបក្ស Kuomintang Chinese បានថ្លែងនៅក្នុងសន្និសីទនោះថា គណបក្សរបស់លោក បានប្តេជ្ញាអនុវត្តន៍ស្ថាបនិកនយោបាយដែលគោរពតាមកុងសង់ស៊ីស ឆ្នាំ១៩៩២ និងការប្រឆាំងនឹងឯករាជ្យភាពរបស់តៃវ៉ាន់ ហើយនឹងជំរុញការផ្លាស់ប្តូរវប្បធម៌ និងសេដ្ឋកិច្ចរវាងចិនដីគោល និងកោះតៃវ៉ាន់ និងកិច្ចសហប្រតិបត្តិការ ដើម្បីស្ថិរភាព និងសន្តិភាពនៃទំនាក់ទំនង រវាងកោះតៃវ៉ាន់ និងចិនដីគោក។ គួររំលឹកឡើងវិញថា នៅមុនបើកសន្និសីទនេះ លោក Wang បានជួប ពិភាក្សាការងារជាមួយតំណាងភ្ញៀវមកពីកោះតៃវ៉ាន់…៕ http://ព័ត៌មានសភាទ្វីបអាស៊ី ២០-០៦-២៣-កែវ ធាវី ប្រែសម្រួលពី៖ https://english.cctv.com/2023/06/18/ARTIOr1gu9XdG92TRaBXhntM230618.shtml

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក