មើលលម្អិត

ប្រធានសភាប្រឹក្សានយោបាយប្រជាជនចិនបញ្ជាក់អំពីការអនុវត្ត គោលនយោបាយបក្សតំបន់ស្វយ័ត Xinjiang

ប្រធានសភាប្រឹក្សានយោបាយប្រជាជនចិនបញ្ជាក់អំពីការអនុវត្តគោលនយោបាយបក្សតំបន់ស្វយ័ត Xinjiang

ទីក្រុង URUMQI៖ លោក Wang Huning ប្រធានសភាប្រឹក្សានយោបាយប្រជាជនចិនដែលជាស្ថាប័នប្រឹក្សានយោយកំពូលរបស់ជាតិ និងជាសមាជិកគណៈកម្មាធិការអចិន្ត្រៃយ៍ នៃការិយាល័យនយោបាយគណៈកម្មាធិការមជ្ឈិមបក្សកុម្មុយនិស្តចិន បានធ្វើការកត់សម្គាល់ក្នុងអំឡុងពេលចុះពិនិត្យតំបន់ស្វយ័ត Xinjiang Uygur ពីថ្ងៃទី២២-២៥ ខែឧសភា ឆ្នាំ២០២៣។ លោកប្រធាន Wang បានធ្វើទស្សនកិច្ចនៅទីក្រុងចំណាស់ Kashgar និងបានទៅពិនិត្យមើលស្នងការនគរបាល, ព្រះវិហារអ៊ីស្លាម និងភូមិមួយ ដើម្បីក្តាប់អំពីកិច្ចខិតខំប្រឹងប្រែងរបស់ថ្នាក់មូលដ្ឋានក្នុងការលើកកម្ពស់សាមគ្គីភាពជាមួយក្រុមជនជាតិភាគតិច, ការអនុវត្តគោលនយោបាយសាសនា និងការអនុវត្តអភិបាលកិច្ចលើគ្រប់វិស័យរបស់ថ្នាក់មូលដ្ឋាន និងក្តាប់អំពីការងារ និងជីវភាពរស់នៅរបស់ប្រជាពលរដ្ឋ។ លោកប្រធាន Wang បានទទូចឱ្យបន្តកិច្ចខិតខំប្រឹងប្រែងពង្រឹងស្ថិរភាពសង្គម ដែលធ្វើឱ្យប្រជាពលរដ្ឋក្រុមជនជាតិភាគតិចទាំងអស់មានសាមគ្គីភាពស្អិតរមួតដូចជាបងប្អូន។ លោកប្រធាន Wang បានបន្តធ្វើទស្សនកិច្ចនៅសារមន្ទីរជាតិ, វិទ្យាស្ថានសាសនាអ៊ីស្លាម, សាកលវិទ្យាល័យ និងសហគ្រាសមួយចំនួនក្នុងទីក្រុង Urumqi។ លោកប្រធាន Wang បានអំពាវនាវឱ្យបង្កើនការយល់ដឹងបន្ថែមទៀតអំពីប្រវត្តិសាស្ត្រប្រជាជនចិន និងបន្តពូជន៍អ្នកស្នេហាជាតិឱ្យស្ថិតនៅក្នុងបេះដូងប្រជាពលរដ្ឋគ្រប់រូបជាពិសេសក្នុងស្រទាប់យុវជន។ ការសាទរអំពីសមិទ្ធផលសំខាន់ៗ ដែលសហគ្រាសនានាក្នុងតំបន់ស្វយ័ត Xinjiang សម្រេចបាននោះ លោកប្រធាន Wang បានអំពាវនាវឱ្យពង្រឹងកិច្ចខិតខំប្រឹងប្រែងប្រយុទ្ធប្រឆាំងនឹងភេរវកម្ម និងរក្សាស្ថិរភាពដោយឈរលើមូលដ្ឋានច្បាប់, ដោះស្រាយបញ្ហាក្រុមជនជាតិភាគតិច និងបញ្ហាសាសនា និងលើកកម្ពស់ការបង្កើនគុណភាពនៅក្នុងតំបន់ស្វយ័ត Xinjiang រួមទាំង អានុភាពនៃតួនាទីផលិតកម្ម និងក្រុមហ៊ុនសំណង់របស់តំបន់ស្វយ័ត Xinjiang ផងដែរ។ http://ព័ត៌មានសភាទ្វីបអាស៊ី ២៦-០៥-២៣-កែវ ធាវី ប្រែសម្រួលពី៖ https://english.news.cn/20230524/7a1f48750d9440bf905d9cfab6edf7ed/c.html

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក