មើលលម្អិត

ព្រឹទ្ធសភាកាណាដា អំពាវនាវឱ្យធនាគារកាណាដាមានតម្លាភាពជាងមុន

ធនាគាររបស់ប្រទេសកាណាដា

កាលពីថ្ងៃពុធ ទី១៥ ខែកុម្ភៈ ឆ្នាំ២០២៣ គណៈកម្មាធិការព្រឹទ្ធសភានៃប្រទេសកាណាដា បានអំពាវ នាវឱ្យសភាមានការត្រួតពិនិត្យកាន់តែច្រើនលើធនាគារកាណាដា ហើយធនាគារកណ្តាលត្រូវបង្ហាញតម្លា ភាពបន្ថែមទៀត ខណៈដែលដែលធនាគារកំពុងប្រឹងប្រែងស្ដារឡើងវិញនូវជំនឿទុកចិត្តដែលបានបាត់បង់ ក្នុងអំឡុងពេលប្រយុទ្ធដើម្បីទប់ស្កាត់អតិផរណាកាលពីឆ្នាំមុន។ ធនាគារកាណាដា បានស្ថិតនៅក្រោមការវាយប្រហារដ៏កម្រមួយពីអ្នករិះគន់ រួមទាំងលោក Pierre Poilievre មេដឹកនាំនៃគណបក្សប្រឆាំង ដោយសារធនាគារនេះបានវាយតម្លៃអតិផរណាខុស ដែលនាំឱ្យមានការអំពាវនាវជាថ្មីឱ្យធនាគារនេះចេញផ្សាយជាថ្មី និងបើកចំហបន្ថែមទៀតអំពីដំណើរការធ្វើការសម្រេចចិត្តរបស់ខ្លួន។ កាលពីសប្តាហ៍មុន ធនាគារកាណាដា បានចេញផ្សាយកិច្ចប្រជុំស្តីពីការកំណត់គោលនយោបាយ ហើយបានសន្និដ្ឋានថា ធនាគារកណ្តាលបានដំឡើងអត្រាការប្រាក់កាលពីខែមុន ដោយ សារភាពតឹងតែងនៃទីផ្សារការងារ និងកំណើនខ្លាំងជាងការរំពឹងទុក។ គណៈកម្មការធនាគារពាណិជ្ជកម្ម និងសេដ្ឋកិច្ចព្រឹទ្ធសភាកាណាដា បានឱ្យដឹងថា “ធនាគារកាណាដាគួរតែមានតម្លាភាពជាងមុន និងធ្វើឱ្យមានការវាយតម្លៃជាសាធារណៈជាទៀងទាត់ អំពីឥទ្ធិពលនៃកិច្ចអន្តរាគមន៍របស់ខ្លួនលើអតិផរណា និង លើការវិវត្តនៃសូចនាករសេដ្ឋកិច្ចសំខាន់ៗ”។ នៅក្នុងរបាយការណ៍ដែលបានចេញផ្សាយកាលពីថ្ងៃពុធ ទី១៥ ខែកុម្ភៈ គណៈកម្មាធិការព្រឹទ្ធសភា បានឱ្យដឹងថា ការរឹតបន្តឹងគោលនយោបាយរូបិយវត្ថុគឺមានភាពយុត្តិធម៌ ខណៈពេលដែលការកត់សម្គាល់ ថាការកើនឡើងអត្រាការប្រាក់បានចាប់ផ្តើមធ្វើឱ្យកំណើនសេដ្ឋកិច្ចយឺត និងអាចធ្វើឱ្យបញ្ហាលំនៅដ្ឋានកាន់តែអាក្រក់ទៅៗ។ ធនាគារកណ្តាលបានបដិសេធមិនធ្វើអត្ថាធិប្បាយលើរបាយការណ៍របស់គណៈ កម្មាធិការព្រឹទ្ធសភាទេ។ កាលពីថ្ងៃទី២៥ ខែមករា ធនាគារកាណាដាបានដំឡើងអត្រាការប្រាក់របស់ខ្លួន ដល់ ៤.៥% ដែលជាកម្រិតខ្ពស់បំផុតក្នុងរយៈពេល ១៥ឆ្នាំ ហើយបានក្លាយជាធនាគារកណ្តាលដ៏ធំដំបូង គេដែលបានប្រកាសថា ខ្លួនទំនងជានឹងបញ្ឈប់ការកើនឡើងបន្ថែមទៀតសម្រាប់ពេលនេះ៕

ព័ត៌មានសភាអន្តរជាតិ ១៧-០២-២៣-ផាត់ ត្រដែត

ប្រែសម្រួលពី៖ https://www.reuters.com/markets/canadian-senate-calls-bank-canada-be-more-transparent-2023-02-16/

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក