មើលលម្អិត

រដ្ឋសភាកាណាដាលើកលែងកាតព្វកិច្ច ចាក់វ៉ាក់សាំងបង្ការជំងឺកូវីដ-១៩

រដ្ឋសភា(House of Common)ប្រទេសកាណា នឹងលុបចោលបញ្ញត្តិដែលកំណត់ថា បុគ្គលដែល ចូលក្នុងបរិវេណរដ្ឋសភា ត្រូវតែបានចាក់វ៉ាក់សាំងបង្ការជំងឺកូវីដ-១៩។ ការនិរាករណ៍នេះនឹងចាប់អនុវត្តពីថ្ងៃទី២០ខែមិថុនា ឆ្នាំ២០២២ គឺដំណាលគ្នានឹងថ្ងៃដែលរដ្ឋាភិបាលសហព័ន្ធកាណាដា លុបចោលកាតព្វ កិច្ចចាក់វ៉ាក់សាំងបង្ការជំងឺកូវីដ-១៩ សម្រាប់អ្នកធ្វើដំណើរតាមមធ្យោបាយសាធារណៈទាំងអស់។ កាលពីថ្ងៃព្រហស្បតិ៍ ទី១៦ ខែមិថុនា ឆ្នាំ២០២២ លោកMark Holland ប្រធានក្រុមសមាជិករដ្ឋសភានៃគណបក្សគ្រប់គ្រងរដ្ឋាភិបាល បានដាក់ញត្តិមួយទៅរដ្ឋសភា ស្នើឱ្យផ្អាកអនុវត្តបញ្ញត្តិនៃការចាក់វ៉ាក់សាំងជាកាតព្វកិច្ច។ បញត្តិនេះបានទទួលការគាំទ្រជាឯកច្ឆន្ទ ពីគ្រប់គណបក្សនយោបាយនោក្នុងរដ្ឋសភា។ ប៉ុន្តែកាតព្វកិច្ចនៃការពាក់ម៉ាស់នៅក្នុងរដ្ឋសភា នៅតែបន្តនៅជាធរមានដដែល។ គួររំលឹកដែរថា នៅថ្ងៃដំបូងនៃការចាប់ផ្តើមការងាររបស់ខ្លួន នៅក្នុងខែវិច្ឆិកា ឆ្នាំ២០២១ រដ្ឋសភានីតិកាលទី៤៤របស់ប្រទេសកាណា បានចាប់ផ្តើមអនុវត្តនូវបញ្ញត្តិដែលតម្រូវឱ្យបុគ្គលគ្រប់រូប ត្រូវតែបានចាក់វ៉ាក់សាំងបង្ការជំងឺកូវីដ-១៩ពេញលេញ(Fully vaccinated) សិន ទើបអាចចូលក្នុងបរិវេណរដ្ឋសភាបាន។ បញ្ញត្តិនេះត្រូវបានដាក់ចេញដោយគណៈកម្មាធិការសេដ្ឋកិច្ចផ្ទៃក្នុង(The Board of Internal Economy)របស់រដ្ឋសភាកាណាដា ដែលជាគណៈកម្មាធិការចម្រុះសមាជិករដ្ឋសភាដែលមានអាសនៈក្នុងរដ្ឋសភា)។ បញ្ញត្តិនេះត្រូវបានបង្កើតឡើងក្នុងស្ថានភាពមួយ ដែលមានការផ្តោតការយកចិត្តទុកដាក់ខ្ពស់ ចំពោះស្ថានភាពនៃការចាក់វ៉ាក់សាំងរបស់សមាជិករដ្ឋសភា។ ក្រោយមកទៀត ដោយមានការលើកឡើងពីប្រធានរដ្ឋសភាកាណាដា ដែលថាគណៈកម្មាធិការសេដ្ឋកិច្ច ហាក់មានភាពប្រញាប់ប្រញាល់ពេកក្នុងការចេញបញ្ញត្តិនេះ សមាជិករដ្ឋសភាមួយចំនួនមកពីគណបក្សសេរីភាព និងគណបក្សNDP បានដាក់ញត្តិមួយជំទាស់នឹងបញ្ញត្តិនេះ ដែលជាហេតុនាំករណីលើកលែងខ្លះ ត្រូវបានទទួលយក។ ករណីលើកលែងនោះគឺ បុគ្គលគ្រប់រូបមិនចាំបាច់ទាល់តែបានចាក់វ៉ាក់សាំងបង្ការជំងឺកូវីដ-១៩ ពេញលេញឡើយដើម្បីអាចចូលក្នុងបរិវេណរដ្ឋសភា ក្នុងករណីដែរបុគ្គលទាំងនេះ មានបញ្ហាសុខភាព(មានការបញ្ជាក់ត្រឹមត្រូវ)មិនអាចចាក់វ៉ាក់សាំងបាន ហើយត្រូវមានលទ្ធផលតេស្តរហ័សថា ខ្លួនមិនមានវិជ្ជមានកូវីដ-១៩។ ព្រឹទ្ធសភាកាណាដា មានគោលការណ៍វ៉ាក់សាំងបង្ការជំងឺកូវីដ-១៩ ផ្សេងពីរដ្ឋសភាកាណាដា។ ប្រធានក្រុមសមាជិករដ្ឋសភានៃគណបក្សអភិរក្ស បានសម្តែងសុទិដ្ឋិនិយមថា៖” យើងទាំងអស់គ្នា នឹងដើរហួសពីការអនុវត្តការងារបែបស្រឡាយកាត់ ហើយនឹងវិលត្រលប់មកស្ថានភាពធម្មតាវិញ៕

http://ព័ត៌មានសភាអន្តរជាតិ ១៨-០៦-២២- មាស តូនី ប្រែសម្រួលពី៖ https://www.ctvnews.ca/mobile/politics/house-of-commons-lifting-vaccine-mandate-1.5950301

សភាបណ្តាទ្វីបពាក់ព័ន្ធ៖

ទ្វីអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក