http://ព័ត៌មានអង្គការសភាអន្តរជាតិ ១៤-០៦-២២- មាស តូនី ប្រែសម្រួលពី៖ https://www.nato-pa.int/news/bosnia-and-herzegovina-faces-grave-political-crisis-exacerbated-russias-war-
សភាបណ្តាទ្វីបពាក់ព័ន្ធ៖
ទ្វីអាស៊ី និងអូសេអានី
ទ្វីបអឺរ៉ុប
ទ្វីបអាមេរិក
ទ្វីបអាហ្វ្រិក
អត្ថបទពាក់ព័ន្ធ៖
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ: (៨៥៥-២៣) ២១១ ៤៤១, ២១១ ៤៤២, ២១១ ៤៤៣ ទូរសារ: (៨៥៥-២៣)២១១ ៤៤៦
បណ្តាញសង្គម
គណៈប្រតិភូនៃសន្និបាតសភាអង្គការណាតូ(NATO Parliamentary Assembly) ដែលបានធ្វើទ ស្សនកិច្ចក្នុងប្រទេសបូស្ន៊ីហេហ្សេហ្គូវីណា(Bosnia and Herzegovina) បានឱ្យដឹងថា ប្រទេសនេះកំពុងប្រឈមនឹងវិបត្តិនយោបាយដ៏ធ្ងន់ធ្ងរបំផុត មិនធ្លាប់ជួបប្រទះចាប់តាំងពីសង្រ្គាមស៊ីវិលបានបញ្ចប់កាលពី ៣០ឆ្នាំមុន។ ភាពតានតឹងផ្នែកនយោបាយក្នុងប្រទេសបូស្ន៊ីហេហ្សេហ្គូវីណា បានកើនឡើងជាបន្តបន្ទាប់ ហើយក៏គ្មានសហគមន៍អន្តរជាតិណាមួយ បានចាប់អារម្មណ៍លើស្ថានភាពនេះដែរ។ ប៉ុន្តែថ្មីៗនេះ ស្ថានភាពនេះបានវិវឌ្ឍកាន់តែធ្ងន់ធ្ងរថែមទៀត ស្របពេលដែលសហព័ន្ធរុស្ស៊ីកំពុងធ្វើសង្គ្រាមក្នុងប្រទេសអ៊ុយក្រែន។ ការធ្វើអន្តរាគមន៍របស់អន្តរជាតិដែលកំពុងកើតមាន ក្នុងបណ្តាប្រទេសមួយចំនួនក្នុងតំបន់បាល់កង់ខាងកើត(Western Balkans) ក៏បានជួយរុញឱ្យវិបត្តិនយោបាយ ក្នុងប្រទេសបូស្ន៊ីហេហ្សេហ្គូវីណាកាន់តែមានភាពផុយស្រួយទៅៗ ដែរ។ ឈរលើបុព្វហេតុនៃការព្រួយបារម្ភចំពោះស្ថានភាពក្នុងប្រទេសបូស្ន៊ីហេហ្សេហ្គូវីណា និងដើម្បីបង្ហាញពី សាមគ្គីភាពជាមួយប្រជាពលរដ្ឋនៃប្រទេសនេះ គណៈប្រតិភូមួយរបស់សន្និបាតសភាអង្គការណាតូ ដែលមានសមាសភាពចំនួន២០រូប ជាសមាជិកសភានៃប្រទេសជាសមាជិកអង្គការណាតូ និងប្រទេសជាដៃគូអង្គការណាតូក្នុងតំបន់បាល់កង់ខាងកើត ត្រូវបានបង្កើតឡើង ដើម្បីធ្វើដំណើរទៅកាន់ប្រទេសបូស្ន៊ីហេហ្សេហ្គូវីណា និងជួបជាមួយតួអង្គនយោបាយសំខាន់ៗក្នុងប្រទេសនេះ។ នៅក្នុងអំឡុងពេលនៃដំណើរទស្សនកិច្ចនេះ លោកChristian Schmidt តំណាងជាន់ខ្ពស់(High Representative)របស់ប្រទេសបូស្ន៊ីហេហ្សេហ្គូវីណា បានស្នើឱ្យមាននូវគ្រោងការណ៍មួយឈ្មោះBonn Power ដើម្បីធានាការផ្តល់មូលនិធិគ្រប់គ្រាន់ដល់គណៈកម្មការរៀបចំបោះឆ្នោតមជ្ឈិម ក្នុងការត្រៀមនិងរៀបចំការបោះឆ្នោតថ្ងៃទី២ ខែតុលា ឆ្នាំ២០២២។ អនុគណៈកម្មាធិការមួយរបស់សន្និបាតសភាអង្គការណាតូ បានសន្និដ្ឋានថា វិបត្តិនយោបាយក្នុងប្រទេសបូស្ន៊ីហេហ្សេហ្គូវីណា កើតចេញផងដែរពីភាពស្រយុតស្រយង់នៃសេដ្ឋកិច្ច និងការអភិវឌ្ឍយឺតខ្លាំងពេករបស់ប្រទេសនេះ ក្នុងការធ្វើសមាហរណកម្មក្នុងតំបន់អឺរ៉ុប-អាត្លង់ទិក(Euro-Atlantic Integration)។ ប្រភពខ្លះទៀតបានលើកឡើងថា ពិការភាពផ្នែកនយោ បាយក្នុងប្រទេសនេះ ក៏កើតចេញផងដែរពីចេតនារបស់ក្រុមជនជាតិភាគតិចជាច្រើន ដែលចង់ពង្រីកឥទ្ធិពលនិងបុព្វសិទ្ធិរបស់ខ្លួនក្នុងវិស័យសាធារណៈ....៕